6月26日 星期日
上次拜師學整麵包之後
哈哈
包包...
我唔止有少少鐘意咗佢
簡直係愛得難捨難離啦!!
可惜呀
大埔唔開中班
自己又抽唔到時間越區讀
唉
惟有求其次揀過第二樣嘢學
今次報咗西餅、蛋糕製作精選
雖然唔係我首選至愛
不過...講真
其實我對嘜嘢都有興趣果喎
哈哈哈
第一堂教咗磨菇白汁雞批&手造檸檬曲奇
尼個係我地導師...劉sir
佢好生鬼架
見見到佢有副黑超呀!!
仲有尼班有好多年青人
個個都係攝影高手
長短鏡通通出齊...勁呀!!!
磨菇白汁雞批
手造檸檬曲奇...Q版好可愛架~
D雞批太鬆化...攞到番去碎晒喇!
尼班上得實在太開心喇
而家已經期待緊上下一堂喇
早兩日聽到HoneyB話整pizza
攪到我心思思想整添
哈哈
為咗滿足屋企班大帝
整咗個超多料pizza
材料有：煙三文魚 煙肉 芝士腸 菠蘿 粟米粒
仲有超多既芝士
哈哈...太過份了
正呀
下晝要返工
今朝煲落湯等今晚有湯湯飲
行街見到有五指毛桃
咁今日就煲個五指毛桃煲雞湯啦
尼個湯好有益架
可以舒筋活絡,行氣潤肺,去濕
煲嘅時侯...好奇怪架
有椰子香味
但係材料好簡單架咋
有:五指毛桃4両 雞1隻 蜜棗3粒
煲2小時30分鐘
飲得lu
噚日父親節
諗住整個cake俾藍爸爸架
不過星期六日都返工...
再加上自己懶囉喎
哈哈...
最後個cake冇左影lu
惟有做番D野收買人心啦
我幾乖呀...
晨咁早就陪藍爸爸食早餐喇
哈哈哈
噚日返工返2點半
食完早餐仲有大把時間
我諗到喇
cake唔整姐
整個小食過佢氹下佢開心先
哈哈
整咗個懶人小食
唔係我話架...
係藍爸爸講架
佢話好簡單方便喎
排好D靑口...放埋配料
放入焗爐焗好就食得
心諗：C啦!咁醒嘅...哈哈...即係想講咩姐
懶人小食到
芝士蒜蓉蟹棒焗青口
哈哈
雖然我懶...但係我好有心架
父親節快樂!!!
由舊年年中開始
因為被某D事某D問題一直煩擾住
攪到自己越來越懶
越來越少寫blog
尋晚瞓唔著
走入自己blog遊咗一陣
睇番朋友ge留言
有開心ge感覺ar
好懷念添
唔得喇
寫blog嘅衝動又返黎la
哈哈...
由今日起
藍媽媽叉回歸尼個大家庭
繼續寫我ge點點滴滴
不過唔知仲有冇人記得我呢
哈哈哈
