尼排掛住抓銀
真係忙到咩都做唔到
有D吃不消喇~
我成日都講
工作幾辛苦都好,總要抽時間做自己喜歡做的事
今日見藍爸爸放假
叫佢陪我去工聯會
睇下有冇咩課程啱我報
哈哈...
有喇有喇!!
麵包&蛋糕課程都仲有位呀
最後揀咗麵包初班
10堂1000元有找
下星期二晚就上堂喇...
期待中~
今日...唔諗咁多
坐言起行
原因係我喜歡嘅課程之外....
另一原因係因為藍爸爸幫我俾錢
哈哈...
老公
多謝你
我會好俾心機上堂架喇~
尼排掛住抓銀
真係忙到咩都做唔到
有D吃不消喇~
我成日都講
工作幾辛苦都好,總要抽時間做自己喜歡做的事
今日見藍爸爸放假
叫佢陪我去工聯會
睇下有冇咩課程啱我報
哈哈...
有喇有喇!!
麵包&蛋糕課程都仲有位呀
最後揀咗麵包初班
10堂1000元有找
下星期二晚就上堂喇...
期待中~
今日...唔諗咁多
坐言起行
原因係我喜歡嘅課程之外....
另一原因係因為藍爸爸幫我俾錢
哈哈...
老公
多謝你
我會好俾心機上堂架喇~
今日見街市有海梳蘿魚
好新鮮又好平
12元就有1份
都有10両架
哈哈...我緊係唔執輸啦
大家唔好見佢咁細條就嫌棄佢
用佢煲出黎嘅湯比其他魚甜D&白雪雪D架
朋友話係布袋澳飲過一款海鮮湯
好好飲
叫我一定要試下煲
哈哈...
材料有齊姐
但係我未飲過正版貨...
唔知咩味
咁惟有斷估無痛苦
整咗個A貨黎充下先~
材料有:
細海魚約半斤
去鱗去腸...再用少少粗鹽醃一陣
粉絲1包(細包...浸軟)
蜆1斤(先出水)
咸酸菜2元
用鹽水浸一陣...切粗片...再出一出水
豆腐1
切粒...出一出水
香芹適量(我無加...唔記得買)
蝦半斤(我自己加)
去腸去腳
薑2片
清水8杯
製法:
熱鑊落油...放入薑片爆香...放梳蘿魚煎至兩面金黄色...
跟住加8杯水煲滾
煲大約15分鍾D湯就變白架喇
煲約25分鐘就熄火隔去魚&骨
要淨魚湯~
先放入咸酸菜煲一陣
跟住依次加入豆腐 粉絲 蝦 蜆
侍湯再滾起約1分鍾
就可以加胡椒粉&落鹽調味
OK!
熄火
飲得喇~
嘩!!好鮮甜...好好飲呀
表小姐話超正...煲咁少架
哈哈
A貨都咁超正喇...
咁正貨咪勁勁好飲囉~
哈哈
藍媽媽係軟心腸嘅人
咁尼個甜品一定要學整啦
心太軟
真係估唔到...
第一次整就流心喇
哈哈...
可能物似主人啦
好開心呀!!
材料:(3杯)
45g黑朱古力(我用咗70%黑朱古力 50g牛油 30g糖粉
黑蘭姆酒1茶匙 1隻全蛋 1隻蛋黄 25g低筋粉
溶牛油 (掃模用)
防潮糖霜(裝飾用)
製法:
朱古力和牛油隔水分別座溶,然後拌勻
全蛋+蛋黄+糖粉用打蛋器打至企身
將朱古力漿(攤涼先)倒入拌勻
加入已過篩的低筋粉拌勻
模具掃上牛油防黏底
平均倒入朱古力粉漿(3杯)
放入雪櫃雪硬(冰櫃)
預熱焗爐前取出
放入已預熱200度的焗爐內焗約10分鐘
倒扣上碟, 灑上糖霜
OK...
食得喇~
近日屋企有禁制令...
唔準用電腦
其實只係限制表小姐嘅姐
佢下星期就考試
今個星期仲有好多測驗...
想佢尼排可以收心養性
投入D...
咁温都温得輕鬆D啦
我要等佢朝早返咗學&夜晚瞓咗後先可用電腦
噚日表小姐返咗屋企
無所事事...
真係唔適合我
哈哈...
咁阿茂又返黎喇
今次學整椰撻
平時對椰絲唔多鐘意架
但係椰撻又另眼相看
終於攪掂喇
藍爸爸話味道OK架...無問題
但係D皮嘅顏色唔夠
咁等我再鑽研下先~
我曾經講過
等妳好番要幫妳開個重生大會
不過因為種種原因
一直未能成事
就係咁...一拖再拖
今次襯Zoe係香港
咁好嘅機會...咁齊人...又咁開心
最緊要就係約到妳~
好開心
今日終於成事喇
藍媽媽衷心多謝各姐妹們...
多謝妳們送上祝福&鼓勵
多謝妳們為我尋尋覓覓
多謝妳們出席今次嘅慶祝會
多謝妳們為一件不愉快既經歷添上色彩
劃上了一個完美嘅句號。
總之就係
多謝妳地呀!!
今日朋友問我發生咩事...
做咩唔寫blog...
其實我只係暫停用電腦3星期...
又冇話以後都唔寫...
冷靜嘅只係小問題
大家唔使咁擔心喎!!
我而家襯屋企冇人偷用架咋
不過...
我要順度多謝各姐妹們...
今次冇左妳地嘅支持又點得呢...
哈哈...
希望妳地知我講緊嘜啦!!
遲D見啦
2月8日 星期二
年初六
今日同學花店食開年飯
好開心能成為席上客
多謝妳年年都咁有心
預留一席俾我地班舊同學兼老友聚一聚
哈哈...
今年有D特別
居然連Miss都出席喎...
嘩!!Miss...
妳保養得好好呀
點解30多年前...同30多年後..冇咩變嘅...
咁過多幾年...我地咪....
有D驚添
尼D係我F.1同學黎架~
哈哈...點解D細既...
男多女少既
Phoebe...坐Miss隔離好開心呢
抽獎時間到喇
哈哈...Phoebe...抽到呀
10號獎黎架
跟住哥哥都抽到呀
大利是兩封
而至於我...
哈哈...
我不嬲都有抽獎運架
今次除咗抽到大利是兩封之外...
仲抽埋個終極大獎...
哈哈...
福袋裏面係cash黎架...
好好好開心呀
今年嘅運氣特別好...
藍媽媽希望能夠將呢D運氣
帶俾我身邊每一個朋友&家人
祝大家幸福快樂!!事事稱心如意!!
早排唔知攪邊科
腰酸背痛咗幾日
mandy妹好上心亦好有心
早幾日送咗盒係日本買返黎嘅鎮痛貼俾我
多謝妳呀!!
噚日唔知點解...
腰又開始有D酸痛喇...
唔通唔夠鈣...
希望過兩日無事啦!
尼盒鎮痛貼...
真係好啱我
送得好合時呀~
2011年2月5日(星期六)
年初三
年初二晚出咗去食壽司
藍爸爸話三文魚唔多夠喉喎
咁好啦
今晚一於奉陪到底
再戰刺身和食火鍋放題
哈哈...
平日刺身我唔多食架
唔係唔鍾意食...
只不過驚自己腸胃差...
不過今日見藍爸爸&大少食得咁開心
唔理咁多喇
食番夠本先~
三文魚係藍爸爸至愛...
我都唔記得佢地叫咗幾多碟喇....
總之嚇C啦
食咗好多天婦羅...我今次C緊
大少話試下香蕉天婦羅...多謝啦...咪攪我
我飲柑桔檸蜜...做咩你地係都要跟我姐
哈哈...都叫你地飲清酒囉
芝士焗蠔...我啱呀
一口和牛粒...都唔夠熱既
炸蟹鉗...大少你自己吃啦
鹽燒鯖魚...〝賣飛佛〞
一口芝士粒...嘩...咁多...
大少你叫架...我幫你食2粒喇!!
清酒煮藍青口...
點解冇清酒味...
迷你日式鮑魚雞粥...
其實我好飽喇
佢地仲話食埋個火鍋先...佩服佩服
哈哈...我叫咗1粒花枝丸咋
大少話超好食嘅雪糕泡芙..
太飽喇...我冇食到~
食咗咁多嘢...
每人200元有找
哈哈...下次齊人又食過喇!!