今日見街市有海梳蘿魚
好新鮮又好平
12元就有1份
都有10両架
哈哈...我緊係唔執輸啦
大家唔好見佢咁細條就嫌棄佢
用佢煲出黎嘅湯比其他魚甜D&白雪雪D架
朋友話係布袋澳飲過一款海鮮湯
好好飲
叫我一定要試下煲
哈哈...
材料有齊姐
但係我未飲過正版貨...
唔知咩味
咁惟有斷估無痛苦
整咗個A貨黎充下先~
材料有:
細海魚約半斤
去鱗去腸...再用少少粗鹽醃一陣
粉絲1包(細包...浸軟)
蜆1斤(先出水)
咸酸菜2元
用鹽水浸一陣...切粗片...再出一出水
豆腐1
切粒...出一出水
香芹適量(我無加...唔記得買)
蝦半斤(我自己加)
去腸去腳
薑2片
清水8杯
製法:
熱鑊落油...放入薑片爆香...放梳蘿魚煎至兩面金黄色...
跟住加8杯水煲滾
煲大約15分鍾D湯就變白架喇
煲約25分鐘就熄火隔去魚&骨
要淨魚湯~
先放入咸酸菜煲一陣
跟住依次加入豆腐 粉絲 蝦 蜆
侍湯再滾起約1分鍾
就可以加胡椒粉&落鹽調味
OK!
熄火
飲得喇~
嘩!!好鮮甜...好好飲呀
表小姐話超正...煲咁少架
哈哈
A貨都咁超正喇...
咁正貨咪勁勁好飲囉~
魚湯有益,健胃消滯
回覆刪除[版主回覆02/27/2011 08:17:00]哈哈...有冇益我唔知呀...淨係知好好飲咋
正貨超好飲呀!
回覆刪除[版主回覆02/27/2011 08:16:00]冇正貨...A貨充住先都唔錯架
海鮮湯好鮮甜架, 唔怪得表小姐話唔夠喉啦
回覆刪除[版主回覆02/27/2011 08:14:00]哈哈...我都唔夠喉呀
我屋企從來唔會嫌棄細魚，相後仲好愛添
回覆刪除[版主回覆02/27/2011 08:12:00]我不嬲知妳鍾意海鮮多過肉肉...仲要係大小通吃 D細魚真係好食鮮甜好多架
魚湯有益！
回覆刪除[版主回覆02/27/2011 08:07:00]唔止有益呀...仲好好飲添
我都好鍾意用啲細細條嘅梳羅魚吖、石九公吖嚟滾魚俾佢兩個飲，好味又有益
回覆刪除嘩!咁多海鮮，好鮮甜呀!
回覆刪除之前聽過亞媽講梳籮魚煲湯好鮮甜，而家知道梳籮魚係咩樣喇
回覆刪除魚湯已經好飲，你仲加左咁多料，一定正啦
回覆刪除[版主回覆02/27/2011 08:01:00]哈哈...簡直超正啦
一睇D湯料就知道係無敵啦
回覆刪除[版主回覆02/27/2011 08:00:00]表小姐飲到停唔到口呀
好鮮甜呀!
回覆刪除[版主回覆02/27/2011 07:56:00]真係好好好鮮甜呀~
都好呀!
回覆刪除[版主回覆03/01/2011 09:00:00](Empty)