流心芒果糯米糍(附食譜)更新版

近日除咗返工

仲有就係不停整嘢食

一來 得到朋友們嘅支持

二來 朋友們近日整嘢食嘅興趣越來越濃厚

得閒就一齊整整整

哈哈

估唔到...

我做咗眾人嘅飲食顧問喎

多謝妳地咁信賴我呀!!

流心芒果糯米糍

尼個星期就整咗2次喇

哈哈

我唔知大家點整個餡

我就會用芒果粒加芒果蓉凍粒

咁等D凍粒溶咗...

D餡就充滿芒果汁喇!!

流心真係好食好多

好juicy...

好yummy~

I like it!!

而家寫低個譜譜俾朋友們先

材料:(15個)

1.糖80g  油1湯匙  水200g  椰漿200g

2.糯米粉130g  粘米粉20g  吉士粉10g(全都粉先篩勻)

3.呂宋芒果2隻(切粒)  椰絲1包

皮製法:

(材料1.)先放入煲內用中火煲滚，要一邊煮一邊攪下佢(小心滾出)，滾起後熄火

(材料2.)放入大盤內，慢慢倒入煲滚嘅(材料1.)，然後攪勻至冇粉粒...夠滑身

準備碟1隻，首先抹上油，然後倒入粉糰，隔水蒸約15分鐘，取出，然後攤涼就包得喇!

 

流心饀製法:(早1日先做好)

流心饀材料:

呂宋芒果1個  糖40g  檸檬汁1湯匙

芒果切粒，加入糖&檸檬汁，用攪拌機打成芒果蓉，裝在有蓋盒中放入冰櫃雪硬，然後切粒，放回冰櫃備用

製法:

粉糰分為15粒(每粒約37g)，按扁後加入芒果凍粒&芒果肉粒，

p.s.*大家整既時候記住戴即棄手套...好黏手架

*仲要係手套搽少少油

*分粉糰塊墊都要掃油架

包好搓圓沾椰絲，

OK 攪掂!!

麵包製作實習初班@第3堂

近日冇嘜心機寫blog

尼篇用咗3日時間先寫好...

星期二晚上咗麵包製作實習初班@第3堂

上星期邱sir突然有事請假...

冇得上堂...不知幾咁失望呀~

上麵包課真係好開心 好好玩

可以將一切唔開心嘅事拋諸腦後...

 好relax...減壓一流呀!!

哈哈...唔係淨係我講架...

我D同學仔都一致應同呀~

今堂教咗3款飽

粟米牛肉飽 、士的飽 & 吉士忌廉飽

士的飽

整咗6條...睇落都唔差呀...哈哈

粟米牛肉飽&吉士忌廉飽

哈哈...我D同學仔真上心

記得我次次寫紙仔做記號都係寫mama...

話幫我用吉士寫個M字係飽面...

唔該妳地呀!!

 

 

 

大吉

早兩日同咗幾個朋友齊齊食番餐

去咗大吉食放題

印埋coupon

埋單每人$178

價錢OK

不過食物冇嘜驚喜...

地方都好迫下

食埋今次...好耐都唔會食~

哈哈...睇黎大家都老眼昏花喇~

6美女食量都唔細...食咗好多嘢~

每次我食完熱氣野都C...

今次都唔例外

之前咳之餘...

而家仲青春咗添呀...

死火喇!!

唔知清熱酷係咪真係得ga呢...

 

 

好鍾意...好認同~

好鍾意好認同王祖藍係現代塵世美所講既一番說話：

香港人很儍，

 

困在家裡，

 

看著四面牆，

 

只對著電腦...

點解澳洲人可以咁開心；

點解佢地咁開朗，

因為他們成日總是面對一片很廣濶的環境⋯⋯

 

                                                       為什麼我們總是很憂鬱...

 

總想不開

因為我們總是困住自己，

 

所以...........

要學懂一點

就是多去沙灘又好，去大自然既環境

 

 

令自己心裡可以有更多容量...

 

心胸廣濶

去面對接下來的生活~

 

 

麵包製作實習初班@第2堂

今日上麵包製作實習初班@第2堂

期待咗成個星期啦

就算今日病咗

手軟腳軟 好攰...

我都要去架喇!!

因為我真係好享受製作嘅過程

不過食囉喎就與趣不大喇!!

今日教整3款飽

提子辮飽

吞拿魚飽

提子方飽

哈哈...早餐有著落喇!!

辮飽....

辮...打哂結...亂晒喇

好彩阿sir俾我拍低短片慢慢睇姐

哈哈

我明晒lu~

等我過兩日自己買D粉番黎試整先!!

魚躍在花見效應~

TVB劇集嘅威力真係勁

尼排夜晚做緊魚躍在花見

晚晚對住日本靚景

仲有D魚生 壽司

真係引C人呀

唔使講邊個

我家已經有兩個擁護者

尋日出咗去上海街逛逛

見到尼D嘢...

佢地叫我買尼個返屋企...

吓...唔係呀!!

估唔到兩父子既話題

離不開魚躍在花見

又話點整...又話點先好味...

哈哈...

你地中咗毐喇!!

至於晚餐

大家唔使諗都知佢地想食嘜啦

食完行出門口

嘩...

原來俾尼套劇吸引嘅人都唔少呀

壽司店真係要多謝TVB

尼套劇帶旺咗佢地唔少呀

唔知想去日本嘅人會唔會又多左呢...

哈哈

人地想唔想去我就唔知

我家果兩個就有意思喇~

 

 

 

麵包製作實習初班@第一堂(大埔工聯會)

今日上麵飽製作初班嘅第一堂

心情好複雜

好緊張...好興奮...又好期待

可能因為第一次掛...

我都唔知呀...

我揀咗夜晚時間黎學

6:45pm-10:15pm

導師係邱sir&昌哥

可能咁夜少D人揀啦

我尼班得10個人咋

阿sir話人少仲好

可以個別指導呀~

哈哈

我同意呀!!

今日學整3款飽

咸方飽 芝麻飽&芝士蒜蓉飽

邱sir講解得好仔細...好清楚...好明白

同學仔們嘅白痴...低能問題

哈哈...包括我在內...

佢都一一解答...真係好好呀!!

邱sir幫我地量好份量

一人一盤粉自己搓

哈哈...我第一個搓好咗...

阿仔話我好掂呀...好開心呀~

第二次發酵...等等等

分割造型啦

尼個係芝士蒜蓉飽

哈哈...我唔識捲牛角呀

係芝麻飽黎架~

我寫住mama...

係我嘅咸方飽~

同學們嘅傑作...

哈哈...奇形怪狀...好攪笑

出爐喇...好興奮~

我嘅麵包呀...

哈哈...好有進步空間~

樣係醜D...不過好好味呀~

好軟綿綿呀~

上完第一堂

已經好期待上下一堂喇

冇諗過上堂會上得咁開心滿足

咁係咪我已經被佢迷住呢...

哈哈...睇怕都係喇!!