為我人生增添樂趣~

噚晚睇番D舊blog...

無意中發現09年10月31日係我人生中第一次blog聚

http://hk.myblog.yahoo.com/mamasurewin/article?mid=3227

哈哈~

1年喇!

當日既情境依然瀝瀝在目...

最令我耿耿於懷...到現在還記住嘅...

係我最憎兼好少發生既事...遲到

唉~

第一次見面就要大家苦等

哈哈...

印象分仲唔扣晒...

今次實入backlist啦!

有得第一次嘅經驗...

人嘅胆又大咗喇

短短1年...123456789.....

哈哈

都唔記得同blog友仔聚過多少次喇!

尼1年間...

多謝各姊妹們為我人生增添樂趣

好開心呀!

係茫茫網絡世界中...

大家可以成為blog友...

成為朋友...

成為密友...

都離不開一個〝緣〞字

希望尼份〝緣〞能一直持續落去就好喇!

 

Mandy~生日快樂!!

緣份尼樣嘢真係好難解釋

從來冇諗過係網上會識到朋友...

Mandy~好開心認識到妳呀!

哈哈...

多謝妳既關心...

係咩？...又瘦咗咩...

妳話唔好攪到自已咁忙...

唔...我會重新考慮下架啦!

可能真係要讓自已輕鬆點...

 

今日係妳生日

祝妳生日快樂!!

最緊要係身體健康啦!!

神茶系列~黨參南棗水

神茶系列~黨參南棗水

哈哈...

神婆好耐無出招喇!

今次介紹大家煲尼個神茶

黨參南棗水

材料：黨參(粗)1又1/2條  南棗8粒  水6碗

製法：

1.黨參切碎  南棗連核切開 

2.水滾後加入材料，再滾起後轉小火煲1小時...OK!沖入保温瓶當水飲

材料係咪好簡單呢...

不過唔好睇小佢呀!

南棗

功效補血...但係冇紅棗的燥熱...

而且南棗的核仲可以驅風添...

黨參

補中益氣...生津養血...

＊如果病後體虛...

又或者身體差...常常冇精神...好易攰

咁就要多D煲黎飲喇!

不過大家要記住

要連繼飲14日以上先會見效架

我之前試過...真係精神咗

黎都係要堅持每日煲黎飲至得喇!

 

 

 

 

乾燥日子無有怕~無花果梨子瘦肉湯

以前我只會用鴨梨黎雪梨水&湯..

哈哈~

都唔明自已點解會一成不變嘅...

最近沉迷睇烹飪書...

真係令我得益不少呀!

今日咗尼個潤燥湯水~

無花果梨子瘦肉湯

今次第一次用豐水梨...

第一次用無花果乾...

雖然材料簡簡單單...

但係煲出黎嘅湯好好飲...好潤呀!

哈哈...咁第日乾燥日子就無有怕喇~

材料：

無花果乾5粒，豐水梨2個，瘦肉適量

製法：

瘦肉切件出水，梨洗淨去芯切件，

全部材料凍水落煲，大火煲滾後轉小火煲2小時，落鹽調味，飲得!

車厘子~你在何方...？

車厘子~你在何方...？

我揾得你好苦呀...

朋友病咗

佢話好想食車厘子喎

為咗妳...我去買...

唉!

點知...

行咗幾區...

大大小小嘅生果檔...

提子...梨...香蕉...蘋果...橙....

樣樣皆有

惟獨是車厘子...

影都唔見~

 

今次真係要勞煩大家幫下眼啦

一齊幫我追尋車厘子嘅蹤影

如果見到就話過我知...

幾遠我都會去架

今次真係好好好唔該晒大家...

 

我返黎啦~

近日比較忙...

好多日無寫blog啦~

多謝各位卜友對我朋友嘅慰問

同埋對我嘅關心

就因為有妳地嘅支持...

朋友已經復原得七七八八喇!

咁我又有時間重返尼個大家庭...

哈哈...

不過我好懶...

仲未有動力遊卜呀...

各位...唔好意思呀~

 

 

只想求~

朋友病了

我的心痛了

我師奶仔一名...乜都唔識

只有做下家頭細務...

煲下湯水煮下飯叫做識少少

我冇咩想求...

只求妳早日康服...健健康康...開開心心...

咁到時我就可以功成身退喇!

妳就唔使再俾我煩住啦~

 

各位blog友仔...

藍媽媽近日有事忙緊

暫時未必有時間&心情去探大家啦~

不過...我相信...好快...

I~will~be~back

大家

等我呀!

 

 

廿二載情~絕密照片

1988年10月8日

當年今日係我同藍爸爸結緍嘅大日子

話咁快就廿二年喇!

回顧以往...

就像昨日發生嘅事...

一切一切依然瀝瀝在目...

俾大家睇下我D絕密相片先啦!

哈哈...我結婚啦...

我的好姐妹...人強馬壯...

哈哈...藍爸爸咪使旨意蝦我...妳死緊架...

妳地又話係我嘅老死...咁做咩玩我姐...

哼...衰人黎架!

唔記得有咩咁好笑...要睇黎DVD先...

尼個蛋糕係表小姐爸爸送俾我地架...

當時佢好似未畢業...

咁貴都買...

不愧係我好細佬

睇咗幾張相...大家唔到我有咩相同之處呢...

哈哈...咪係我嘅金牌笑容囉...

結婚相完...

唔好俾佢停喇...

繼續去相...蜜月之旅

蜜月揀咗去日本...

7天行程跟康X...要6千幾蚊...

22年前...係超貴之旅

2揀1...

一係去日本...

一係影輯結緍相...

哈哈...以我性格...緊係去旅行啦!

 

講結婚...不過有D好好笑嘅嘢一定要爆呀~

話說我地一班女仔得閒就會去長洲玩

有次...佢地幫我慶祝生日...

我記得係栗子蛋糕黎架

果次係我第一次食栗子蛋糕咋!

咁啱公司有個男同事住長洲...

唔知點解...

佢走黎揾我地...

全女班...走黎...非奸即盜啦!

男同事走咗...

佢地就話一定係鍾意咗我地其中一個...

哈哈...係真唔係呀...

仲有...仲有...

有次我話鍾意食某牌子古古力...

點知...佢每日都買一排過我...

嘩...大佬...我鍾意食姐...

唔使咁呀!

哈哈...

好明顯呢個儍佬唔係少少鐘意咗我咁簡單喎...

哈哈哈哈...

咁就好喇...

以後仲唔係我惡晒...

雖然我惡晒姐...

講真...我冇蝦佢架...

我有俾飽飯佢食架

大家睇下藍爸爸係我惜心照顧下...

係咪肥肥白白呢...

結婚3年...下...肥成咁...

  廿二年...好長嘅歲月...

好開心...因為我依然係你心目中嘅第一位

雖然我有少少變心...

哈哈...

我諗個個媽媽都係一樣...

不過...你唔使旨意走出我五指山呀...

我去東...你就要去東...

我去西...你就要去西...

哈哈哈哈....

為妳而放~

天燈，又名孔明燈，最早是用於戰爭之用，今日多用於祈福，上達天聽。人們在天燈上寫下自己的願望，點燃天燈施放至空中，以此祈求願望實現。

 

                                       這個天燈是為朋友而放的

                                 我嘅願望已經寫下~

                                    祈求願望實現!

                                      

養顏水鴨湯

好難得俾我再遇上醜小鴨

上次係吉吉島賣34元9角

今日係華X賣26元9角...仲有95折

哈哈...師奶本色

點會執輸先得架

一於買買買

夏天我攞佢黎煲冬瓜薏米

好滋陰去濕架~

咁而家秋涼喇

冬瓜唔多啱...

我就加D藥材一齊煲...

齊齊滋陰養顏先

養顏水鴨湯

哈哈...表小姐飲咗3湯碗

仲話唔夠喉呀!

 

即興~自助午餐

2號冇乜心情慶祝

噚日藍爸爸仲係放假

唔知佢係咪跟得我多呢...

學我果龍嘢...玩即興

哈哈

我以為人馬座既人係咁姐

原來山羊座都識架~

佢11點打去book枱食自助午餐

吓...咁趕...我個樣未執喎

用最快時間攪掂...

好彩...去到仲大把人等緊入去

尼間酒店嘅自助午餐...我食過好多次

款式好少...

不過一家人...開心食乜都無所謂啦!

哈哈...

有意外驚喜...用某信用卡有8折呀~

唔錯...唔錯

 

見藍爸爸咁有心...

唔好話我冇表示喇...

哈哈

我精心泡製咗尼個甜品過佢食...

算係咁啦!

尼個係我食嘅~

唔知點解冇影到羊扒...牛扒...壽司...D相

真奇怪~

 

 

豉椒炒花甲

阿仔真係麻煩友黎架

成日食緊尼樣就話有埋果樣食就好喇

嘩...貪唔貪心D呀...

得一想二

話佢佢就話諗下都唔得咩...

唉~

諗下咪即係叫我煮囉...煩人!

豉椒炒蜆...

佢講咗幾日架喇~

咁噚日朝咪專程走去大埔墟街市

睇下有冇靚蜆買...

不過今次揀咗花甲

＄28 1斤...

價錢唔平架...買蜆可以買到2斤喇!

不過藍爸爸話花甲D肉質好食過D蜆...

咁我先買咋~

大家唔好以為炒蜆好難...

其實好簡單架咋!

想知點整...就入去睇下個譜譜啦

http://hk.myblog.yahoo.com/mamasurewin/article?mid=219

 

炒好...

食得Lu~

遝有心情嗎.......

1988年10月2日

果日係我同藍爸爸註冊結婚嘅大日子

而擺酒就係10月8日...

到時大家記住早D到喇~

哈哈...

可能有好多料爆架...

數數手指...

22年啦...

時間過得真係好快...

俾大家睇下我當年十八廿二個樣先啦

見唔見到藍爸爸望住我笑呀...

哈哈...

衰人黎架...

係我有蝦碌嘢呀~

其實今日應該要好好慶祝下...

點知...表小姐病咗...

攪到我心緒不寧...而家仲頭痛緊...

 

另外...藍爸爸嘅阿叔過咗身...

今日設靈...

咁多咁多嘅事情...

還有心情慶祝嗎？

祈望10月8日...

給我安安靜靜渡過就好了