一雞兩吃~

尋日買咗隻新鮮雞

一雞兩吃

雞亦&雞脾要黎整咗碟

紅棗杞子雲耳蒸雞

碟底仲墊咗豆卜架...yummy~

&

淮山茨實元貝節瓜煲雞湯

我都話唔好拋頭露面架啦

尼排見親D人都話我瘦咗

尋日又俾老街坊訓話

唉!

我唔想架...

佢話煲多D尼個湯黎飲...

仲有煲紅米水增強體質...

好好好...我投降呀...

我煲~

開飯啦~

今日呆係屋企陪讀

真係好好好悶呀~

對我黎講...

最好嘅解悶方法就係整嘢食

咁今晚唔使講...

哈哈...緊係動手啦~

整咗兩碟我鍾意食嘅餸

喼汁洋葱牛仔骨

&

蒜蓉四季豆爆雞

OK...開飯啦!

唔.....

真係好yummy呀~

 

食後會愛上牠~咸鮮魚

咸鮮魚

大家有冇聽過...有冇食過呀...

聽個名...唔好誤會以為佢係咸魚

其實佢只係用鮮魚

(今次用咗馬友)

加鹽...醃1日(最好隔晚醃定)

食前將鹽沖走

抹乾水份

然後加薑絲

大火蒸約7分鐘

取出贊滾油

方法係係好簡單呢

不過當妳食過之後

一定會愛上牠~

 

 

 

 

 

鴛鴦腐皮卷~

1月13日 星期四

放假就緊係四圍逛下啦

大埔墟新街市係我必到既地方

今日見到D蝦膠&墨魚膠

又忍唔住喇

各買咗30蚊

再買咗兩塊腐皮

整咗8件...靠得住嘅餸

鴛鴦腐皮卷

哈哈

尼3個字

諗起李錦聯添

尼個餸...

我好鍾意整架

因為可以得閒時包定

包好後隔水大火蒸8分鐘

取出放涼後

就放入雪櫃

到想食嘅時候

(哈哈...講緊2...3日呀)

用平底鑊小火慢慢煎至兩面金黄色

咁就食得喇

係係又好簡單呢~

 

腐皮卷食譜

http://hk.myblog.yahoo.com/mamasurewin/article?mid=10313

隨心煮~

哈哈

今日起一連放4日假

真開心呀!

今日終於有時間俾我慢慢煮喇

其實煮餸唔難嘅

冇話硬性規定要咩材料...咩方法先煮到佳肴

隨心煮就可以啦

今日我就用咗煮斯文齋既方法

煮咗尼個餸

材料任君選擇...

我就用在尼6樣

再加埋葱頭蒜蓉起鑊

調味只係加咗蠔油...&少少水

咁就煮咗碟自己鍾意食嘅餸出黎喇

係係好簡單呢~

 

藕餅~

藕餅平日好少整

上次整已經係舊年4月喇

早幾日突然心血來潮

諗起尼個餸

咁又整下啦~

我整嘅方法同傳统嘅有D唔同

蓮藕我用咗刨絲嘅方法

材料亦好簡單

不過如果妳間我味道如何...

真抱歉...我只有整...

冇食到呀~

製法請參考舊有食譜

http://hk.myblog.yahoo.com/mamasurewin/article?mid=729

 

好滿足呀!~黑椒生蠔

噚日下晝四圍遊blog...

見到菲仔果碟生蠔...

嘩...

真係引C人喇~

我流晒口水啦...

好想好想食呀...

哈哈...見雪櫃仲有包廣島蠔...

唔理咁多喇...

一於整黎食啦!

今次就整黑椒生蠔...

大家唔好以為黑椒就一定辣

其實個汁係略帶甜味架...

口感&味道好似蚵仔煎呀!

哈哈...緊係似啦

因為尼個係台式製法黎架麻

Phoebe真係估妳唔到囉...

佢超鍾意呀!

 

黑椒生蠔

材料：生蠔600g  蒜蓉1湯匙

炸漿料：炸粉8湯匙  冰水半杯  鹽1茶匙  油2湯匙

葱1棵切粒

獻汁料：黑椒碎適量  生抽1茶匙  糖1茶匙  生粉3/4茶匙  水4湯匙

製法：生蠔用生粉洗淨，放入滾水焯至約6成熟，取出過冷河後抹乾

炸粉用冰水開勻，放入鹽.油.和葱粒拌勻，備用

將蠔沾上炸漿，放入滾油中炸至金黃色

燒1湯匙油下蒜茸爆香，下獻汁煮至稠

獻法淋在已炸好的蠔上

OK!食得啦

哈哈...好滿足呀!

 

 

令人回味~豉汁蒸排骨

上個星期幫Phoebe打氣

整咗個荷葉糯米蒸排骨過佢食

果次整排骨嘅方法...係我書時冇意中發現架

食後...果種味道...

好有酒家風味...

好令人回味呀!

 

今日最初諗住去濕地公園...

點知腰痛咗幾日...

今日仲弊加伙添...

唉...要留係屋企...

好悶呀!

坐坐下...忽然又諗起佢...

下晝走去大埔墟

買咗排骨

 

今次唔攪咁多啦

只係簡簡單單整咗個豉汁蒸排骨

嘩...好滑好好味呀!

哈哈...

排骨呀...排骨

睇黎我鍾意咗你啦~

為妳打打氣(三)荷葉糯米蒸排骨

今朝瞓到4點幾就醒咗....

晨咁早...無所事事

寫埋篇網誌先

 

為Phoebe打打氣...

見佢温得咁落力

好啦...休息時陪佢玩下先

弊...眼濛濛添

Phoebe即刻叫我戴番副盲人專用眼鏡先喎...

妳咩意思呀.................

有得玩又有得食~

噚日整咗荷葉糯米蒸排骨過佢食

阿仔見到我整呢個飯就話：媽媽 妳唔係温習咩...

好似咁得閒嘅...

哈哈...

我勁囉!

好多時睇落好麻煩好複雜嘅餸...

查實係最簡單嘅

呢個係懶人飯系列之一黎架

只要預早浸咗D糯米...

醃好D排骨

加塊荷葉蒸熟就食得

好睇又好食~

哈哈...就連碟都洗少幾隻呀!

 

荷葉糯米蒸排骨(4人份量)

材料：荷葉1片  糯米12両  排骨20元  臘腸隨意 

鬆肉料：梳打粉半茶匙  糖1湯匙(

醃料：蒜蓉豆豉醬  油  生抽  鹽 油  生粉  

製法：1.荷葉洗淨用熱水拖軟

2.糯米浸4小時以上，瀝乾

3.排骨用梳打粉&糖拌勻...1小時後沖洗乾淨，抹乾

(有做呢part...D排骨蒸完會滑D...味道似酒樓排骨飯嘅味道)

4.排骨加醃料醃30分鐘以上

5.荷葉墊籠底

6.鋪上糯米

7.再放上排骨臘腸

大火蒸30分鐘

OK...有得食!

 

 

為妳打打氣(二)蘿蔔炆牛肋條&...

為Phoebe打氣之餘...

都要為自己打下氣先得喇!

呢兩日温到我頭又暈眼又濛添

好攰呀...........

哈哈~大家睇睇到呀...

我温到走上張床度呀...

真舒服~

Phoebe話好想食呢兩樣嘢喎~

蘿蔔炆牛肋條&淮山杞子花膠湯

好!見係妳咋...整過妳食

 

蘿蔔炆牛肋條

材料：急凍牛肋條1pack(洗淨出水)  蘿蔔1條(洗淨後去皮切角) 

蒜頭幾粒(切蓉)  葱頭1粒(切蓉)  薑數片

八角2粒  磨豉醬  柱侯醬各1湯匙  水適量

調味：冰糖約1湯匙  蠔油約1湯匙  鹽少許

製法：熱鑊落油，爆香蒜蓉葱頭薑片，再落磨豉醬柱侯醬爆透

加牛肋條兜勻，跟住落適量嘅水，八角&冰糖

煮滾後轉小火炆大約1小時15分鐘左右

落埋蘿蔔，蠔油...炆多10分鐘左右熄火

等到食之前煮滾，將牛肋條剪粒...開大少少火收汁...再落鹽調味

OK!食得啦~

 

淮山杞子玉竹花膠湯

材料：淮山  杞子  元肉  玉竹  蜜棗 

 瘦肉(先洗淨出水)  小花膠(之前浸發好，係冰箱取出解凍就用得)

 

製法：淮山玉竹先浸一浸，然後放入滾水中出一出水，備用

杞子元肉蜜棗洗淨

水適量煲滾，放入全部材料(花膠除外)，水滾起後轉小火煲2小時

跟住放入花膠煲多20分鐘，落鹽調味

OK!飲得~

 

食過番尋味~煎蠔餅

噚晚睇電視介紹煎蠔餅...

哎喲...蠔餅........

挑起我條根喇!

好想...好想食!!!!!!!!!

今朝同藍爸爸去買餸...

哈哈...

第一站就走咗去買蠔仔啦~

好嘢...

今晚有蠔餅食喇!

唔...真係好好味呀...

不過四個人...

整得兩塊

唉...唔多夠喉添~

材料：

蠔仔10元(半斤)

 

鴨蛋2隻

番薯粉5湯匙

(朋友送咗1大盒俾我...點食得晒呀)

芫茜葱大量切碎

(哈哈...個人喜愛)

調味：盬，糖，魚露，胡椒粉

製法：蠔仔洗淨後隔去水分(亦可先焯一焯)

           蛋打勻，加入番薯粉，調味料拌勻，再加芫茜葱碎同埋蠔仔拌勻

           熱鑊落油(多DD)分數次將蠔粉放入熱油中，用中小火煎至兩面金黄色

OK！食得喇~