我平日寫寫埋埋D食譜...
哈哈!終於寫滿咗成本簿呀~
都唔記得幾時開始寫啦!
等寫第二本嘅時候...
要寫番低日期先~
星期四陪表小姐出荃灣之前煲落呢個湯
天氣越來越熱，
冇晒胃口食飯
飲呢個湯就最適合
花旗參荷葉煲冬瓜田雞湯
功效：清熱消暑 ，生津止渴 ，健脾開胃 ，病後口渴最適合
材料：花旗參5錢(18克)， 新鮮荷葉1角， 冬瓜1斤 ，淮山4錢(15克)，陳皮1角 ，田雞1斤(約4隻)
製法：冬瓜洗淨切大舊(連皮連瓤連仁使用)
陳皮浸軟刮囊
用適量水煲滾，放入全部材料煲2小時左右，加入荷葉稍滾，落鹽調味，OK飲得!
P.S 呢個湯好清甜...飲完喉嚨好舒服呀!
我未飲過田雞湯! 飲碗先得!
回覆刪除[版主回覆06/20/2010 12:45:00]妳喉嚨唔多舒服...飲大碗D啦!
我下次試下煲哩個湯先。因為我鍾意食田雞嘛。
回覆刪除[版主回覆06/20/2010 22:08:00]用田雞煲好清甜又冇油...好好飲呀!
藍媽媽食譜
回覆刪除冬瓜湯好適合夏天飲呀！
[版主回覆06/20/2010 22:07:00]天氣太熱啦!D肉唔多想食...反而想飲湯多D呀!冬瓜湯就最啱飲~
藍媽媽
回覆刪除這個湯真係幾好喎...不過我好驚田雞呀...所以都係咪搞我啦
[版主回覆06/21/2010 21:07:00]哈哈!田雞買番黎都C咗啦!吾使驚喎~
正煩緊今晚煲乜湯 ......好在今日一早"開腦"jak，即刻去睇下個廚櫃有無花旗參先 .....
回覆刪除[版主回覆06/21/2010 21:05:00]呢個湯夏天飲我正!
可以出書呀
回覆刪除[版主回覆06/21/2010 21:04:00]吓!我何得何能呀~
藍媽媽的秘笈!
回覆刪除[版主回覆06/22/2010 21:02:00]唔好笑我啦!