食勻晒~

逢星期四，大少要學日文

不過今日破例冇去~

佢話聽日要考試...今晚要温習

改到星期二先學喎!

表小姐就照舊~出荃灣

今日佢老師依然咁盡責...彈足兩個鐘

我就逛足兩個鐘

最後走咗去吉の島買咗個放大鏡

呢幾日温習靠你啦~

 

今日返到屋企成8點啦!

叫定大少係樓下餐廳等我地~

哈哈!記住記住...攞埋個食物盒呀

點解？？

咪就係果間餐廳D嘢份量十足

次次都食剩

不如裝番屋企咪仲化算~

我好鍾意食佢嘅自家製迷你法包...好新鮮好脆呀!

 

哈哈!大少醒目呀~攞咗個三格食物盒

妳地睇~裝滿晒呀!

藍爸爸你今晚就發達啦~

一次過俾你食勻晒三款食物

哈哈!我都係食得一款咋!

各位估下我食咗邊款...