土伏苓牛大力煲豬骨湯
大埔真係好喇！你想買嘜就有嘜，從來唔使驚會無得買，就好似我今日煲尼個湯咁，要買新鮮土伏苓同埋牛大力，只要一行入街市，就有幾檔任你揀，真係太方便啦！
用土伏苓牛大力黎煲湯，好有益嫁！大家不仿試試啦！
土伏苓是有效的抗氧化劑，可去濕解毒
牛大力功能清熱潤肺，止咳，強筋活絡
你買咗，檔主會幫你切片，返屋企沖沖水就煲得架啦！
材料：新鮮土伏苓 ＋ 牛大力 ＋ 馬蹄 共25元 (洗淨)，果皮1角(浸軟刮囊)，蜜棗4粒，豬尾骨20元(先出水)，水適量
製法：水煲滚，放入全部材料，煲滚後小火煲3小時，飲前落鹽調味，OK！攪掂啦！
沒有留言:
張貼留言