三人行‧九龍城

  三人行‧九龍城

  1月3日   星期日

今日係學校假期嘅最後1日，藍爸爸話出去九龍城逛下喎！

唔使我煮飯，緊係舉腳贊成啦！

係大埔出九龍城好方便，搭75X就得啦！

我地係九龍城街市附近落車，第1站去清真牛肉館食爆汁牛肉包，尼個係大少指定項目黎架，真係好彩有三個位，唔使等呀！

 

爆汁牛肉飽，熱辣辣呀！

 

真係爆汁，我咬既時候，射咗D汁出黎，攪到張枱同埋成咀都係，真係醜死鬼喇！

 

 葱油餅好熱好好味(多D葱仲好)，不過等咗20分鐘呀！

 

牛肉水餃入面都有好多汁

       

   

牛肉麵，藍爸爸至愛

 

食完出黎就話第二站去九龍城街市3樓泰苑食泰國嘢，胃口真係勁！

今次去泰苑叫咗好少嘢食咋，因為唔多肚餓！

 

泰式海鮮窩(酸酸辣辣好開胃呀！)

 

串燒(雞，豬，牛各兩串)

 

芒果糯米飯

大少同藍爸爸話超正呀！

 

食完係周圍逛咗一陣，就諗住買杯嘢上車飲，

係歇腳亭買杯珍珠奶茶，點知等等等等等等………………

等咗成半個鐘先有，真係有無攪錯，唔買番到屋企啦！

好飲都假，下次咪攪！