〝賣飛佛〞芋頭糕~

2011年1月30日

星期日

今日整咗〝賣飛佛〞芋頭糕~

哈哈..正話試咗....

嘩~

好好味呀!!

哈哈...

藍媽媽逢芋頭既嘢都話好食架...

有時都覺自己傻傻地

不過今次無騙大家

真係唔錯唔錯...

我今次要寫低個譜先...

下次再跟住個份量再整過~

 

芋頭糕

份量：7吋蒸糕盤2個

  材料：芋頭1斤 (600g)  粘米粉(200g)  水約4杯   葱頭1粒(切碎)

炒香白芝麻少許  葱切粒少許

臘腸2絛  蝦米1両  瑤柱約6粒  臘肉少許

調味：雞粉3/4湯匙  鹽1茶匙  糖1茶匙  五香粉1茶匙

胡椒粉少許

 

製法:

芋頭去皮, 切成粒粒

臘腸 臘肉 蒸熟後

將臘腸 臘肉 蝦米 元貝盛起備用

鍋加入3杯水滾放入調味料攪勻

再放入400克芋頭粒 , 轉中火, 蓋上鍋蓋煮大約10分鐘

 

鑊燒紅, 將臘腸 臘肉炒香, 爆香葱頭，再加入芋頭粒(200克)炒2分鐘, 加蝦米,瑤柱炒香 , 盛起備用

 另外於一個大碗內, 先加入粘米粉, 再加1杯水, 攪拌至無粒幼滑為止
 將煮芋頭的火轉為小火, 先加入蝦米,瑤柱,臘腸,臘肉，芋頭

 再一面慢慢加入粘米粉漿

 順方向攪拌, 直到粉漿倒完，熄火

再繼續攪拌成幼滑軟身的粉團

 同時預熱蒸籠
蒸糕盤先掃上生油

再平均倒粉糰入盤壓平

放入蒸籠大火蒸約1小時

用竹簽插入

無粉漿黏著就OK

否則再蒸15分鐘再試

 最後灑上芝麻和蔥粒, 取出待涼即可

為大家分享~BB錦鯉年糕&角仔

哈哈

有得玩又點少得藍媽媽果份呀!!

早幾日約定義工朋友整賀年糕點

好多謝大家咁信賴我...

俾個咁好嘅機會我實習實習

我嘅三腳貓功夫今次獻醜喇~

更多謝中心借個廚房俾我地攪攪震...

唔係我屋企點容納到妳地呀

今日整咗BB錦鯉年糕&角仔

由下晝1點幾整到夜晚7點幾...

由冇變有...過程雖然辛苦...但係好值得~

俾大家睇下我地既製作花絮先啦...

 

哈哈

大家睇下...Phoebe好認真架

最後每人分咗16條魚魚

有約20隻既角仔...仲有蝦片架...吾記得影相添

角仔食譜

http://hk.myblog.yahoo.com/mamasurewin/article?mid=5102

BB錦鯉年糕食譜

http://hk.myblog.yahoo.com/mamasurewin/article?mid=4962

莫生氣~

為了小事發脾氣

回頭想想又何必...

好耐之前見過尼篇莫生氣

今日係朋友屋企又見到

佢話係大陸買番黎

唔知香港邊樹有得買呢...

我都想買張提醒下自己.......

 

哈哈...想起妳~

今日出咗去買嘢

實行大出血行動

哈哈...

好在我身邊有個好幫手幫我咋

攞到CC下之際

我見到尼張被

Poon Poon 呀...

哈哈...Phoebe...

我突然覺得好似妳呀...

妳同佢一樣

肥嘟嘟...

 同樣嘅笑容...

相同嘅眼神...

哈哈

好!買俾妳~

越是唔知...越是想買~

今日去咗沙田 IKEA

見到好多靚靚花花

係Phoebe死纏爛打嘅情況下....

我終於屈服喇

買咗3盤風信子

盤嘅顏色...反映佢係開咩色嘅花

尼兩盤係紅色&粉紅色

但係惟獨是黑盤...

代表顏色不詳...

吓...咩色呀？？

哈哈....

人就係咁奇怪

越是唔知...越是想買

究竟我尼盤會開咩色嘅花呢......

真係好期待呀~

超鬆軟~

尼排成日返工...

實在太忙喇

Terryma話入大埔買嘢...順道約我飲茶

我都抽唔到時間添~

咁唯有星期四帶表小姐出荃灣學柳琴時

黎個短聚啦~

嘩...好大個戚風蛋糕呀

唔係唔係..講錯添

係黃金天使蛋糕至真呀

哈哈哈

年尾收到咁大舊金

出年仲唔發過豬頭...

多謝Terryma...

今日試咗....超鬆軟...

好好味呀~

仲要妳請我飲下午茶添

點好意思呀...

下次等我請喇!!

 

 

 

 

 

食後會愛上牠~咸鮮魚

咸鮮魚

大家有冇聽過...有冇食過呀...

聽個名...唔好誤會以為佢係咸魚

其實佢只係用鮮魚

(今次用咗馬友)

加鹽...醃1日(最好隔晚醃定)

食前將鹽沖走

抹乾水份

然後加薑絲

大火蒸約7分鐘

取出贊滾油

方法係係好簡單呢

不過當妳食過之後

一定會愛上牠~