3月30日 星期二
尼幾日決定唔寫Blog住
任務進行中.......
為自己打氣
never give up！加油呀！
不過有時間我會黎探大家
各位過幾日見
2010年3月28日 星期日
Blog聚~靑葉日本料理
Blog聚~靑葉日本料理
3月28日 星期日
今晚約咗HoneyB、Annie&蚊蚊出旺角青葉食日本放題
兩小時任飲任食埋單每人141元
食物方面以尼個價錢算係好OK！
俾大家睇下我地四個女人仔食咗D嘜
食咗1個鐘已經停晒手
太飽啦！食唔落
最後埋單走人，扮遊客行女人街
哈哈！女人街真係唔同晒
賣D嘢好另類呀
究竟有無人買嫁
2010年3月27日 星期六
偷得浮生半日閒~長洲
偷得浮生半日閒~長洲
3月26日 星期五
今日表小姐唔使番學，之前佢講過話好耐無搭過船
哈哈！我尼D有心人緊係會為妳安排啦
咁喬舒妹唔使返工，哈哈！有人陪我地四圍去啦
放假就緊係要遠離市區好好放鬆下啦
今日我地相約入長洲
感受一下寧靜和簡單嘅小島生活
好舒服呀！
黎到長洲緊係要去關公忠義亭啦！
點解
咪因為裹面種咗幾棵櫻花囉
哈哈！好彩D花仲末凋謝，仲可以賞下花姐
仲有記住下尼條小鯨魚嘅魚骨
一到夏天，東灣海灘就擠滿泳客
妳地睇，今日咁凍，表小姐做咗灘后呀
哈哈！邊會有人同佢爭呀！
肚餓我地就入咗去張記食魚蛋粉
黎到長洲唔少得嘅，緊係去逛下D精品店啦！
舒妹&表小姐係度捐咗唔少血啦！
走之前係四圍影下相，享受下尼度寧靜嘅生活
出番港島，多謝舒妹嘅安排
我地去咗六國酒店食自助餐
偷得浮生半日閒
有好友相伴，
快樂其實好簡單
我已經好滿足！
好朋友，多謝妳呀！
2010年3月24日 星期三
蝦仁牛肉炒青豆角
蝦仁牛肉炒青豆角
哈哈，成日掛住周圍去
好耐都無寫食譜添
係時候歸位啦！
今日煮D嘜？
早幾日見Mandy妹炒豆角
我都好耐無煮過啦！
哈哈！所以我又照跟
蝦仁牛肉炒青豆角
材料：
豆角6両，蝦6両，牛柳切片15元，蒜頭2粒(切蓉)，薑1片，乾葱1粒(切片)
牛肉醃料：
蠔油，油，生抽，糖，生粉(or粟粉)，水
調味料：
油，糖，老抽少許(調色用)， 鹽 (後下)
製法：
先將牛肉加醃料醃一陣
蝦`去殼挑腸，清洗乾淨後抹乾，放入雪櫃雪住
豆角洗淨後切段
熱鑊落油，首先爆香乾葱片，落牛肉炒至變色盛起
熱鑊落油，爆香蝦仁盛起
熱鑊再落油，放入薑片，蒜蓉爆香，下豆角爆透，加入調味料&少少水，然後蓋上鑊蓋焗一陣(如豆角未淋可再加少少水焗多一陣)，落埋牛柳&蝦仁兜勻，試味(唔夠咸就加少許鹽)，ok！熄火上碟，食得啦！
2010年3月22日 星期一
Delicious!
Delicious!
3月22日 星期一
表小姐問哥哥：D素雞同出便買嘅食落去點解一樣味嘅 ？
哥哥答：會有咩分別呀！唔通妳想唔同味呀，係妳都唔敢食啦！
食落豆味重D&實淨D，好食D就叫唔同啦！
哈哈！有時好鍾意聽佢地傾計
表小姐成日問D非常人嘅嘢，好好笑
真係唔知佢幾時先長大呀
噚晚煮咗兩餸1湯
簡簡單單又經濟
但係佢地都話delicious！
油冬菇煮素雞，焯咗菜仔放碟底 ~ 大少至愛
蒜蓉香煎豬扒 ~哈哈！ 唔係講笑，我覺得我煎得好食過出面
有骨豬扒係表小姐至愛
見雪櫃仲有幾隻臘鴨亦，就煲咗尼個湯
西洋菜紅蘿蔔馬蹄煲排骨湯
訂閱：
文章 (Atom)