有嘜煮嘜

                                  有嘜煮嘜

            尋日表小姐放學後出咗去荃灣音樂中心學柳琴，上一堂Miss 講咗由今堂起就要上兩個鐘，返到屋企要8點呀！我同表小姐係荃灣買咗D嘢上車食，大少唔番黎食，要去學日文，但係老爺話佢會返黎食喎，點好呀

唯有開個雪櫃睇睇，有D嘜東東可以煮，好嘢！比我揾到素雞同埋帶子呀！

        尼碟就係製成品啦！素雞炒帶子

            

           睇落係咪好得尼，其實食落仲得呀！(唔怕醜，自己讚自己，哈哈～

)

       煮法好簡單，一D難度都無呀！

   材料：急凍帶子8粒，素雞１包(兩條)，葱小量(切粒)

   調味：豆瓣醬，糖，鹽，        生粉水(後下)

   製法：帶子解凍後飛水，兜起抹乾

               素雞切成帶子形狀

               熱鑊落油，放入素雞煎至兩面金黃色，加入帶子同埋調味，炒勻後加D生粉水和葱粒，全部兜勻就可熄火，上碟食得啦！