阿九魔力

              阿九魔力

   12月21日  星期一

早前阿九話會黎香港，咁我地幾個blog友就日等夜等，點解時間過得咁慢嫁！可以講得上係望穿秋水(好似又誇D)，好啦！好啦！期待已久嘅日子終於來臨啦！

唉！有時D嘢就係咁〝喬〞，前1晚有D唔舒服，個人有D暈暈地，個朝要去陳太度幫佢煮定幾個餸，真係唔想郁。仲有最衰就係自己定力唔夠，D媽咪叫我去食早餐，我受唔住引誘，就係咁跟咗人去啦！

上到陳太度都10點啦！12點15分之前就要走，唔係實遲到啦！唔得！要提起精神，開工啦！可能阿九魔力嘅關係，我整餸加煮埋，再幫佢掃埋個地兼拖埋，都係12點咋！哈哈～我都覺得自己勁呀！

個朝極速可以煮D嘜？俾大家睇睇

磨豉節瓜炆腩排

 

豆腐煮雞柳

 

 日本咖喱魷魚豬皮牛栢葉魚蛋(俾佢仔仔帶返學大食會)

 

魷魚蒸肉餅

 

菜心

 

 今次blog聚去咗旺角小肥羊，唔係佢好食，係因為方便阿九，唔使佢撲來撲去，其實去邊都無所謂，最重要係有個地方俾我地傾餐飽

今次出席嘅blog友包括：阿九，Dada，太得閒，舒妹，HoneyB，傻妹Annie，太陽媽媽，我(藍媽媽)

太陽媽媽因為有事，傾咗幾句就走咗啦！不過佢好有心，放低咗D禮物俾大家

 

拌手禮相片係太得閒度偷嫁！

唔該晒閒閒