大少生日快樂

                      大少生日快樂

   

  踏入十二月，大家唔知會唔會覺得特別開心啦？

哈哈～你地開唔開心我就唔知喇！不過我就好開心，

因為我家老爺，大少，仲有我，都係十二月生日，係咪好〝喬〞尼

諗番起有咗大少嘅時候，醫生話預產期係12月2日，我就好希望BB會係8號出世，

點解？

因為我係18號生日，老爺就28號生日，如果大少係8號出世，咁D 8 字仲唔俾我攞晒，今次實發過豬頭啦！

大少係就係遲咗出世，不過就只係遲咗2日咋！真係唔合作啦！

大少終於係12月4日 下午4時25分出世啦！

話咁快，咁就過咗十九個年頭啦！

係尼度祝大少生日快樂！開開心心！過兩日要考嘅日文試順順利利！最緊要係孝孝順順啦！