多謝~
人夾人緣...講得一D都冇錯!
我為人比較簡單,直接...鍾意就鍾意~唔會轉彎抹角
叫我埋堆,真係唔好攪我~
幸運地係義工組識咗幾位同類人
今朝我話食早餐..佢地就出齊黎
真係多謝妳地呀!
老婆餅希望妳地喜歡啦!
食完就陪咗大少出沙田攞番佢本護照
番黎打開一睇...
咦!唔同咗嘅~
內頁好多花花呀
哈哈!頁頁仲有我個名呀!
正話學人整飽飽
真係唔簡單呀...要發酵幾次...比整餅更煩更長時間
今次整咗餐肉飽~
焗嘅時侯好香,哈哈!好彩都食得姐~
四日假話咁快就放完!
聽日要投入工作啦...飽飽,睇怕要遲好耐好耐先再同你切磋啦!