多謝~

             多謝~

人夾人緣...講得一D都冇錯!

我為人比較簡單,直接...鍾意就鍾意~唔會轉彎抹角

叫我埋堆，真係唔好攪我~

幸運地係義工組識咗幾位同類人

今朝我話食早餐..佢地就出齊黎

真係多謝妳地呀!

老婆餅希望妳地喜歡啦!

食完就陪咗大少出沙田攞番佢本護照

 

番黎打開一睇...

咦!唔同咗嘅~

 內頁好多花花呀

 哈哈!頁頁仲有我個名呀!

 

正話學人整飽飽

真係唔簡單呀...要發酵幾次...比整餅更煩更長時間

今次整咗餐肉飽~

 

焗嘅時侯好香，哈哈!好彩都食得姐~

四日假話咁快就放完!

聽日要投入工作啦...飽飽，睇怕要遲好耐好耐先再同你切磋啦!

迷你老婆餅~

我最怕就係悶~

叫我乖乖係屋企好好休息...

唔係唔想...不過真係好唔習慣囉!

好耐之前我已經想整老婆餅啦

不過實在太忙啦!

時間根本就唔許可

而且我從來唔打冇把握嘅仗~

今日終於忍唔住...要出手啦!

神咁早就走咗去大埔墟

買咗包好緊要嘅材料......糖冬瓜

 

集合人地嘅食譜，製法，短片...各樣各樣

開始賞試整啦!

 

新鮮熱辣嘅迷你老婆餅出爐啦~

 

哈哈!好酥~而且味道真係一樣...好開心呀!

今次第一次整算成功啦!自己都好滿意~

不過仲有進步空間...

D皮太薄啦~要厚番D

D餡太多啦~又可以少番D

以我黎講...甜度可以減少D

期望下次有個完美老婆出現啦~

食譜&製法參照: 綠萼   獨角仙  Cherry Poon  Sandy

 

 

 

手牽手~

         

數數手指...

照顧咗妹妹都有3個幾月

經過每日嘅點滴

彼此感情越來越深~越來越密切

但係某些原因...........

我唔可能再照顧佢

今日係 last day

真係有D唔捨得

少少傷感真係難免!

妹妹好鍾意影相，行行下都會停低叫我影!

 

今日佢抱住隻玩具狗當BB，話係佢仔仔喎!

手牽手嘅情境...日後不可能再出現啦!

 

祝願妹妹能冇風冇浪，平平安安，開開心心地成長!

 

 

 

 

最佳拍檔~

                      最佳拍檔~

難得今日有假放，緊係去大埔墟新街市走一轉啦!

哈哈~仲拉埋車仔...

 

但係今日唔係去梁X記入貨喎

而係去一處我好鍾意...好鍾意

可以令我停下腳步...流連忘返嘅地方

邊度？

咪就係圖書館囉!

唔知點解我好鍾意去睇圖書

諗番以前~我有咗大少嘅時候

因為某D原因要停薪留職

每日我就走去圖書館消磨時間&解悶

唔知大少係咪未出世就俾我感染咗呢

佢細細個就好鍾意睇圖書啦!

而表小姐就係冇得選擇嘅情況下跟我地去書

哈哈!最後佢變成書蟲呀!

下我今日借咗幾多書...

 

裝滿一袋都係~

總共借咗18本呀!

 

有12本係表小姐嘅，有6本係我嘅

最衰我近年視力差咗啦~

睇咁細隻字真係好辛苦

好彩我揾到個最佳拍檔幫我咋

哈哈!就係放大鏡啦!

 

不過大果個已經功成身退啦!

藍爸爸又話買過俾我...點解咁耐都冇...快D買啦!

哈哈!各位blog友們...妳地而家知我最想要咩伴手禮未呀~

咁妳地記住囉喎!

 

 

 

 

 

 

好好休息~

             好好休息~

呢幾日心情比較沉重...

做事提不起勁

噚晚冇等藍爸爸返黎就去瞓覺啦

點知瞓到1點幾個肚唔知做咩...好痛呀

藍爸爸就俾咗D止痛藥過我食

都唔知幾點先瞓着

今朝5點9又耍起身啦

可能噚晚唔夠瞓啦!而家隨咗好攰仲有D頭痛添

哈哈!不過唔使驚

我聽日開始放四日假

到星期二先返工

呢幾日真係要好好休息啦!

哈哈!諗起都開心呀

 

愛自己~

               愛自己~

好耐之前就睇過呢篇文章，原來雀后都引用過...

今日我都同各位blog友分享下：

路是人行出來的

請緊記    山不轉      路轉       路不轉     人轉

沒有一種情緒能永遠停留

不快樂    來了又去     快樂    也是來來去去

最慘是失去熱誠

我們只要仍有熱誠      还是有成功的一天

向著標竿直跑

不肯原諒的結果       傷害最大的竟是自己

愛自己     就不要浪費時間去想任何不喜歡的人和事

要學會享受孤獨

自我時空     可完全的做自己

人生總有順境      又有逆境

記住               快樂就是現在      

我們可隨時隨地快樂     沒有人可擋路

您是唯一能阻止自己快樂的人

 

知易行難，自已都努力學習中...

希望我的朋友活得開心快樂!

知唔知人擔心~

表小姐去親飲茶一定會食鳳爪

我見佢咁鍾意...

今日就親自泡製咗D愛心鳳爪過佢食

點知...哈哈!加多咗辣椒

佢話好辣呀!

sorry呀!下次我會輕手D啦 

 

講番表小姐

我明明叫佢今日游水游到6點好啦

點知我地係屋企係咁等...

等到7點都末見人

點呀!又唔帶電話...

去咗邊呀...知唔知人擔心

7點半終於返黎啦

原來教練唔俾早走...

同埋佢走咗去買珍珠奶茶

(買咗兩杯，一杯佢自已,一杯俾哥哥,,,咁我呢)

 

唉!唔怪得咁遲先番到黎啦

真係俾佢嚇餐C呀!

 

 

 

 

 

 

停不了~

              停不了~

今日心情麻麻地...

最好解愁嘅方法就係整嘢食

化悲憤為力量~

下晝整咗雪碧 Scones都末夠

繼續煮煮煮...

真係停不了~

晏晝係櫃度見到兩包肉骨茶

 

係好朋友知道藍爸爸鍾意飲俾我

今日攞咗包黎煲

點知表小姐&哥哥都話好飲喎

 

我又買咗D麵根，10元有8両

 

 

用咗4両，整咗呢個甜酸齋

5蚊就整到一大碟...

真係又平又好味呀!

 

佢地話好想食帶子

但係有毒喎...好驚呀!

我就去買咗包北海道帆立貝

 

用黎整咗呢個餸~

蒜蓉韭菜花炒帆立貝

哈哈!我嘅至愛~

 

 

 

 

 

 

雪碧 scones~

                    雪碧 Scones

 

 今日發生一件令我不悅嘅事...

不過針係冇兩頭利嘅

好難兩全其美~

經一事長一智

我嘅智慧又高咗啦!

為免影響大家嘅心情...

呢D唔開心嘢我以後唔會再提啦~

唔理咁多

化悲憤為力量!

早前見T&P教整scones~

好似好易咁喎!

後黎再食埋Terryma整嘅scones

唔得~我要學整呀...

今日的起心肝跟T&P學整scones

哈哈!我用咗雪碧黎整... 

原來真係好易整又好食

半小時就ok啦

好方便~

食譜參考T&P

 

 

怕怕~

             怕怕~

今日藍爸爸放假

我地去咗食早餐...

又係呢間~喋喋不休

每日都例排排隊...

佢嘅左鄰右里就拍烏蠅

真係唔到妳唔服~

 

今晚食完飯,就係屋企做D令我頭都大埋既嘢...

 

見到都怕怕...

好煩呀!

希望今晚1點前攪掂啦...

 

 

 

說不完的話~

             說不完的話~

今日舒妹入黎大埔

最初諗住同妹妹玩下...請表小姐食下乳鴿...

點知妹妹臨時唔過黎~

哎喲!見唔到添!無計啦...要見總會有機會嘅

妹妹冇黎，咁我下晝咪即係好得閒囉...

我就提議食飽飽去元朗行番轉

哈哈!好朋友真係好呀!冇請我食檸檬喎~

我地真係好嘢...

由上車講到落車~

食又講...行又講...

真係有說不完的話呀!

同好朋友一齊就好似大家冇見好耐...

想將所有嘢講晒佢知咁...

哈哈!總之就係雞啄唔斷啦...

唔得啦!下次要食埋晚飯至掂呀...

今日去到元朗，我地去咗呢間好出名嘅B仔涼粉

 

食咗鮮什果西米露

芒果糯米卷~

同埋麻辣雞亦尖

仲有多謝妳帶黎嘅禮物呀~

表小姐好鍾意呢塊黑版...

佢想買好耐啦!

今日真係好開心~

期待下次嘅來臨...

1周年~

             1周年~

 噚晚樂銘媽咪打電話俾我

話想約我今朝一齊食早餐...

吓!我約咗人囉喎...

唔得添~

我問佢：唔係有咩事呀!

佢就話：妳唔記得聽日係1周年咩!

我：吓!1周年...

佢：係呀!妳幫咗我1年啦!

我：係？咁快就1年啦~哈哈!唔知我呢個伙頭大將軍合唔合格呢...

佢：仲使問...我唔會俾妳走...

聽完之後，果刻真係好開心，自己所做嘅嘢有人肯定，無白費我嘅心機!仲有就係呢D小事佢都咁上心，1周年都記得，叫我記就死得啦!連我自已幾時去幫佢都唔知呀!真係好多謝妳呀!

哈哈!不過我真係約咗人啦!要約我，下星期先啦!

今朝去到佢屋企，見佢寫咗張便條...

 

喔喔!支票簿真係用晒...？咁啱呢個時候...？又多1個籍口多多嘅人...

既然妳係都要俾錢我使，我免為其難收咗佢啦!哈哈~

我點都要回應下佢嘅...

 

哈哈!袋袋平安啦...

 

       

相聚一刻~大埔海港酒家

           相聚一刻~大埔海港酒家

                     5月18日 星期二

今日盛師奶  Terryma  攪攪震入大埔同我飲茶 ，本來胡李媽媽&太得閒都會黎，但係佢地有事黎唔到!

胡李媽媽而家見點呀，仲有冇咳呀!下次我地再約過啦~

太得閒，123話妳唔記得帶佢去公園呀...

今日真係唔好意思，要妳地揾埋位等我添~

蝦餃好好味呀!

 

多謝各人嘅伴手禮

哈哈!每次見到Terryma都好開心

次次都有福袋帶黎~

睇下今日有咩先!

 

兩個兜兜好精緻呀!

仲可以放得入焗爐添~

另外仲有送俾表小姐&妹妹食嘅零食~

多謝妳呀Terryma！

盛師奶幾時都係掛住D小朋友啦!

多謝妳嘅糖糖呀~

攪攪震就帶黎神油一枝!

蚊叮蟲咬好使得~

多謝妳呀攪攪震!

我就整咗花生醬曲奇過大家食~

表小姐就話超好食...

但係我覺得甜咗D,下次我要減糖先得~

 

本來waiwai都諗住入大埔一齊飲茶...

但係時間關係未能夠join埋我地~

唔緊要啦!我陪妳飲下午茶補數

妹妹真攪笑，佢著咗對2010年新款嘅水鞋過 我地睇

笑死人呀!

 

waiwai，下次妳入黎同我食嘢，唔好再咁客氣啦...

使唔使帶兩隻雞兩隻鴨咁多呀!

今次算啦!下次唔好啦!哈哈~諗起都好笑...

多謝妳呀!

好朋友，曲奇甜就甜咗D，粗粗地食咗佢啦！

哈哈!記住飲多兩杯水喎...

下次整咩好呢...