最佳拍檔~
難得今日有假放，緊係去大埔墟新街市走一轉啦!
哈哈~仲拉埋車仔...
但係今日唔係去梁X記入貨喎
而係去一處我好鍾意...好鍾意
可以令我停下腳步...流連忘返嘅地方
邊度？
咪就係圖書館囉!
唔知點解我好鍾意去睇圖書
諗番以前~我有咗大少嘅時候
因為某D原因要停薪留職
每日我就走去圖書館消磨時間&解悶
唔知大少係咪未出世就俾我感染咗呢
佢細細個就好鍾意睇圖書啦!
而表小姐就係冇得選擇嘅情況下跟我地去書
哈哈!最後佢變成書蟲呀!
下我今日借咗幾多書...
裝滿一袋都係~
總共借咗18本呀!
有12本係表小姐嘅，有6本係我嘅
最衰我近年視力差咗啦~
睇咁細隻字真係好辛苦
好彩我揾到個最佳拍檔幫我咋
哈哈!就係放大鏡啦!
不過大果個已經功成身退啦!
藍爸爸又話買過俾我...點解咁耐都冇...快D買啦!
哈哈!各位blog友們...妳地而家知我最想要咩伴手禮未呀~
咁妳地記住囉喎!
咁你幾時同我聚
回覆刪除[版主回覆05/29/2010 20:34:00]Terryma話幾時咪幾時囉!
藍媽媽
回覆刪除妳既意思係唔係想要放大鏡呀...我驚我誤會左... ...妳哋有幾多張借書証呀...點解可以兩個人借18本書架...好犀利呀... ...我以前都好鍾意係圖書館借書睇架...後來因為太過忙...所以就無啦...幾時我哋一齊再去圖書館借書呀...我都要借18本呀...俾妳講講下...我突然諗起之前同事借俾我本書未睇完就還左俾佢...唔得...我要再借番嚟睇先至得...
[版主回覆05/29/2010 20:33:00]哈哈!係放大鏡呀...咁妳識做啦!我有3張圖書証~噚日一早1個人去咗圖書館，足2小時先走人，好舒服呀!
妳想借18本冇問題，不遏我驚妳攞唔郁
咦.... 你真係好鬼衰....宜家一有人講起放大鏡....我就諗起你呀~
回覆刪除[版主回覆05/29/2010 20:26:00]哈哈!諗起我幾好呀,不過至驚妳笑出黎...到時嚇親人就唔好啦!
哈哈!人地以為妳儍嫁
經藍媽媽呼籲、我諗妳會最少收到一千幾百個放大鏡呀！
回覆刪除[版主回覆05/29/2010 20:16:00]哈哈!咁我唔使驚啦~
你就醒目啦，拉架車仔去，我每次次都捧到C C 吓！
回覆刪除而家圖書館真係好多好書！
[版主回覆05/29/2010 20:15:00]哈哈!我好多時淨係攞環保袋...真係攞到CC下，今次諗住借多D，先拉車咋!如果冇車仔...真係死得啦!
仲以為妳去入貨添
回覆刪除[版主回覆05/29/2010 20:07:00]哈哈!我聽日會去入貨呀~
藍媽媽
回覆刪除咁樣我又無諗過攞唔郁喎 ...唔駛驚我都無咁多証呀...只能夠借到最多6本咋
[版主回覆05/30/2010 15:01:00]哈哈!集齊屋企人嘅証咪得囉~
哎呀...我以為妳架戰車用來裝戰利品添
回覆刪除[版主回覆05/30/2010 15:04:00]哈哈!係咪估唔到呢
出左部新車呀！幾好款喎 你都係正正經經驗下眼，如果老花配番個眼鏡睇書用啦......去10店買都得架！最近要知道幾多度
回覆刪除[版主回覆05/30/2010 21:08:00]哈哈!架車仔係表小姐讀幼稚園時買嘅!不過仲好新
我遲下真係要配番副眼鏡先得呀!