冬菇銀芽炒鱔糊
尼個餸大大話話有5年無整過啦，真係唔知點解
今日心血來潮諗起佢，即刻落街市買黃鱔，黄鱔都唔平，$38斤，我買果條要$30
材料：黃鱔1條(請魚販代起骨，用大滚水拖水去潺)，薑2片(切蓉)，蒜頭3粒(切蓉)，冬菇4隻(浸軟切絲)，銀芽3元(洗淨隔去水備用)
製法：鱔切絲後加入生抽，糖，胡椒粉，油，生粉醃15分鐘
熱鑊落油，爆香鱔絲，‧贊酒兜勻盛起，備用
再起鑊用油爆香薑蓉和蒜蓉，落銀芽炒香後加入鱔絲，兜勻後加少少水煮滾，再用老抽，生抽，糖，油調味，汁滚起後加少少生粉水埋獻，再加幾滴麻油，OK！煮好啦！
p.s.其實煮鱔糊應該要乾身D，但係我鍾意有D汁，所以先加多咗水，各位煮嘅時候就照自己意願啦！
人生第一次
尋日係表小姐第一次參加游水比賽，我緊係全力支持啦！真係差唔多由朝7去到晚7，坐到又熱到攰哂，見係妳咋表小姐，第二個都唔陪呀！
系去游池途中有段小插曲，同大家講講先，諗起都好笑
尋日朝約7點鐘，我就帶住表小姐去樓下的士站搭的士去泳池，真係喬啦！ HoneyB又係度喎！我唔埋啦，搶咗佢部的士先，哈哈～咁就出事啦，上咗架賊車呀！平日我去泳池，架車係行富亨條路而且會係泳池後面落，連馬路都唔使過，好多時錶都唔使跳$14.5就去到，點知尋日個位的士大佬，就兜大路行吉豬島，仲要個個紅綠燈都停，停咗5個燈啦！係咁等呀等，個錶就跳呀跳，唔係咁呀！我趕時間先搭姐，浪費我D時間，我實在忍唔住啦！我就好客氣同個司機講：
我(心平氣和)：司機呀！我諗你第日去泳池唔我行尼條路，好多燈位要停呀！
司機(語氣有D重)：去泳池不褸都係行尼條路嫁啦！咁arm 要停我都無辦法
我：唔係喎！D司機行富亨果條路，好快架喎
司機：妳唔出聲叫我行
我：嘜要出聲嫁咩，我平日唔出聲D司機都識行喎
司機：開始無言
我(繼續講)：我成日搭嫁喎！一個星期黎泳池三日，次次都係行個條路，平日我$14.5就去到，今日$20蚊都唔知得唔得呀！
好啦！終於落車啦！$19.7，即係$20蚊啦！仲要我睇車過馬路，你地話啦係咪無職業操手呀！映衰哂D同行呀！
你好唔着我，睇我咁詩文以我唔出聲，你跌眼鏡啦司機大佬，哈哈
言歸正傳，講番表小姐比賽，第一次黎講算唔錯嫁啦，係蛙式50米同齡賽中得第四名，與第三名相差0.17秒，差少少咋，加油！！繼續努力！我支持妳！
我拍低咗個過程同大家分享下，黃色帽就係表小姐啦！
拍得太差請見諒！
新攪作之葱油餅(附加食譜)
各位唔好意思，最初諗住懶D咪唔寫食譜囉，點知大家都係同道中人，一樣咁鍾意食葱油餅，我而家寫番啦！
葱油餅尼樣小食食就食得多啦！不過一路以黎都無時間去揾食譜(籍口多多，懶就懶啦
咁多時閒真係要揾D攪作先得，唔係實悶死我(唉！辛苦命)，諗咗一輪就決定整葱油餅，因為全家上下都鍾意食
份量：4塊
材料：中筋麵粉200克，沸水100克，冷水60克，葱3棵(切幼粒)，菜油或植物油(約1 /４杯)，鹽約3茶匙(4塊份量，末必用晒)
製法：麵粉放入盆中，拌入沸水，用筷子快速攪拌成雪花狀，再加入冷水混合搓成蓋上保鮮紙，等大約10分鐘取出然後分成4等份，每個再擀成大薄圓麵皮， 然後將油(抹滿整張麵皮)，平均灑上幼鹽，最後加入葱花，再捲成腸粉狀，用保鮮紙蓋好，等多10分鐘，麵糰取出擀成薄餅，備用
熱鑊落油，煎到兩面上色，然後加１湯匙水，蓋回鍋蓋，煎至無水聲，開蓋，再加少少油，煎至兩面金黃即成 ，食得啦！
超攰因由
尋日唔使返工，早兩日就約定左表小姐幼稚園D家長飲茶，雖然表小姐畢業咗幾年啦，但係家長之間嘅感情依然好好(而家唔係家長關係，而似朋友關係多D)；點不知約都無咁橋，我嘅義工朋友又話約出黎飲吓茶，咁點算好呀！
我咁聰明緊有橋啦！就係同一地點，唔同時間走兩場囉，好嘢解決咗啦！
第一場8點至11點就同幼稚園家長飲茶，大家傾得不知幾投契呀！天南地北無所不談，大家仲講下D小朋友生活鎖事，學校生活，話咁快佢地就小四啦！仲好懷念佢地讀幼稚園嘅天真可愛樣子，諗起都開心
各位阻你地小小時間，睇下表小姐幼稚園畢業個樣先啦！
大家見唔見有隻肥豬仔攤係梳地度呀(扮瞓)！佢好可愛嫁！肥嘟嘟真係想咬佢一啖呀！
尋日就有同佢媽咪兼好友飲茶啦！
老師眼中的三朵金花，企中間個位金花就係表小姐，以前學校有嘜攪作都關佢地事，真真正正嘅大忙人
果日表小姐發緊燒都話要出席畢業聚餐，佢只係食咗兩隻雞中亦炸，不知幾貴呀
尼位李老師教中國舞嫁，又做過佢地班主任，仲好鍚佢地添！
第二場11點至1點30分就同咗班義工朋友飲茶，諗起都攪笑，剛剛埋完單，食到飽飽，又過枱再 √ 點心紙，再黎下一場，但係又食得落喎，真係有大食積呀！仲有尼餐都末食完，又話打邊爐啦！哈哈～
HoneyB 一話好耐無打邊爐，話想去食炸，我地尼D好友緊係抵諗D即刻話陪佢去啦！唔好拖啦！就明晚啦！各位即係話今晚又有飯局啦！
經歷咗5個多小時之後，係吉豬島行咗一陣之後就去接表小姐放學，跟住帶佢去操水，係看台又坐2個鐘，你地話啦！係咪坐都坐到攰呀！哈哈
我同表小姐笑得好開心呀！
