吊頸都要抖氣
諗下諗下自己生完大少後單獨出夜街同朋友食飯行街，好似係……接近零，平時出街唔係1拖2就係1拖３，永遠都係以佢地為先，無諗過會單拖出行，除非佢地返咗學，先有少少私人時間咋！
尋晚就唔同啦！幾位廿四孝媽咪(唔少得嘅緊係HoneyB啦)，唔知受咗嘜嘢剌激，個個作大反，拋夫棄子，屋企就一於少理，齊齊出黎聚一聚，吹吹水，心情好暢快呀！
我哋揀咗去打邊爐，貪佢可以一邊食野一邊傾計，真係快樂不知時日過，話咁快就過咗3個鐘啦！又係時候返屋企交人！希望不久之後又再有聚會啦！
各位blog友，係咪好想知HoneyB係嘜樣呢！今次就比住佢隻手你地睇啦！
大家見到末呀！
沒有留言:
張貼留言