冬菇銀芽炒鱔糊

            冬菇銀芽炒鱔糊

        尼個餸大大話話有5年無整過啦，真係唔知點解，其實我同大少好鍾意食嫁！

       今日心血來潮諗起佢，即刻落街市買黃鱔，黄鱔都唔平，$38斤，我買果條要$30

            

 材料：黃鱔1條(請魚販代起骨，用大滚水拖水去潺)，薑2片(切蓉)，蒜頭3粒(切蓉)，冬菇4隻(浸軟切絲)，銀芽3元(洗淨隔去水備用)

 製法：鱔切絲後加入生抽，糖，胡椒粉，油，生粉醃15分鐘

             熱鑊落油，爆香鱔絲，‧贊酒兜勻盛起，備用

             再起鑊用油爆香薑蓉和蒜蓉，落銀芽炒香後加入鱔絲，兜勻後加少少水煮滾，再用老抽，生抽，糖，油調味，汁滚起後加少少生粉水埋獻，再加幾滴麻油，OK！煮好啦！

p.s.其實煮鱔糊應該要乾身D，但係我鍾意有D汁，所以先加多咗水，各位煮嘅時候就照自己意願啦！