薯仔炆排骨
尋日買咗飛排，諗住用豉汁蒸，點知無時間，D飛排今日比我用薯仔炆咗啦！
飛排雖然好淋(就係唔鍾意佢太淋)，但係我都係鍾意一字排同埋腩排多D！
材料：飛排(叫肉檔切粒，洗淨抹乾水再用醃料醃住)，薯仔(去皮切角，用鹽水浸住)，葱頭2粒(去衣拍扁)
醃料：生抽，糖，鹽，油，生粉，水
製法：熱鑊落油，爆香葱頭，落排骨煎至兩面金黃色，再放埋薯仔爆透，加入適量嘅水，水滚後加入少少糖，少少老抽(調色) ，蠔油，然後轉慢火慢慢炆至薯仔淋，再落鹽調味，ok！熄火上碟，開飯啦！
沒有留言:
張貼留言