流心芒果布甸...
上個月整過一次俾好朋友佢地食
味道幾OK架
諗住阿仔佢地番黎就整過佢地試下
點知...病咗10幾日都末好番晒
今日唔理咁多...一於加把勁...
哈哈...流啦...流啦...真係好吸引
雖然我有得睇冇得食...
不過見到大少&表小姐食得咁滿足...
我就滿足啦...
份量:8杯
材料:大水仙芒1個或呂宋芒4個 ,魚膠粉12g ,檸檬1/2個(榨汁) ,糖25g(可加減)
啫喱粉90g(1盒) ,花奶400g(大罐) ,滾水400g
流心餡製法:芒果起肉約200g,加入糖25g & 半個檸檬汁,打成果泥後倒入容器,放入冰箱雪至硬,然後切成方糖大小
芒果布甸製法:芒果切粒約200g
啫喱粉加入魚膠粉拌勻
然後加入400g滾水拌勻
等水既温度稍涼,再加入花奶&芒果粒
再裝入啫喱杯內(倒大約1/3杯),然後放入冰箱內雪約8分鍾
取出後,放入一粒流心芒果餡,然後再倒入布甸溶液至滿,放入冰箱再雪8分鐘
然後放回下格再雪約4小時
OK!食得
正, 睇見就流晒口水
回覆刪除[版主回覆08/12/2010 21:54:00]哈哈...多謝!
睇第一張相, 好似流心芒果月餅一樣呀
回覆刪除sorry sorry 走嚟樹賣咗廣告 tim
回覆刪除[版主回覆08/12/2010 21:48:00]哈哈...唔緊要...我都係佢粉絲黎架
等我去買齊材料整整先.....
回覆刪除[版主回覆08/12/2010 21:47:00]哈哈...真係好好味架
妳好翻未呀?天氣熱保重呀! 呢欵布甸好正
回覆刪除睇見巳經 快d去買材料先
回覆刪除好正bor..家中有芒果...我又要試..
回覆刪除[版主回覆08/12/2010 21:40:00]哈哈...真係好好味架