唔順路架

下晝出咗荃灣幫表小姐交支票

真係唔明點解仲要親自去交...其他方法唔可行嗎？？

真係浪費時間...

反正出到去...咁咪四圍逛下囉...

大少話好想食天后Mimosa果D拿破崙

問我順唔順路...

吓!我去荃灣...天后...唔順路架...

不過見你講咗幾個月都末去買

拿破崙又係你至愛

好啦!買過你今晚學完日文返黎食啦

哈哈...我對你幾好呀...

第日你有我對你一半咁好...我就心滿意足喇...

我買咗2件芒果拿破崙，1件士多啤梨拿破崙，

1件士多啤梨mousse

我啱啱食咗芒果拿破崙...

真係好鬆脆喎...

哈哈...食到成地餅碎添

表小姐都唔知點解咁鍾意食牛腩河...

去到天后就話要食...

華姐唔揀...嗱嗱聲走入去大利清湯腩

哈哈...為食妹呀!

回程望下時間...5點38分

咦!307P...5點45分有車係天后返大埔喎

哈哈...真係好喇...

仲要係我屋企對面有得落車

嘩...超方便呀!