尋回...味道

早幾日講開 IKEA

阿仔& Phoebe話好掛住係瑞典食過嘅肉丸

好好味架....

吓...阿仔都話好...

睇黎應該唔會差喎

為咗幫佢地尋回瑞典肉丸嘅味道...

下晝就出咗沙田

目的地只有一個...哈哈...

IKEA裏面嘅餐廳

Phoebe不停話一樣呀...

一樣設計

一樣食物

一樣免費添飲

哈哈...好雀躍...好興奮~

首先緊係要叫肉丸薯仔啦

嘩...19元有10粒肉丸...5個BB薯仔

唔止好抵...真係好好味呀

哈哈...我仲外賣一盒過藍爸爸試下

仲有春卷咖哩角

10元...

有3件春卷...3件咖喱角

Phoebe話呢個都好好味...

凍蝦杯...22元

梗係唔少得飲品啦...

7元...免費添飲

哈哈...我見佢地添飲咗好多杯呀!

超值啦...

從佢地說話中...

今個暑假嘅北歐之旅...

令佢地好回味咁喎...

哈哈...發啦

早排舒妹幫我買咗斤花膠仔...

220元1斤

見佢細細隻

平時攞黎煲湯就最好喇...

噚晚攞去浸...

今朝起身睇睇...

哈哈...發啦

好多呀~

正話分成一小袋一小袋

放晒入冰櫃...

想煲就攞袋出黎...

方便好多呀!

 

免費戲票

正話情商大少陪我去大埔墟買嘢

最初佢話咁熱...猛咁say no....

不過我記得佢話好想去樓上燕窩下...

哈哈...唔係睇燕窩...係睇日本食品咋

尼一代真係唔出...

朋友個女係咁...原來大少都係咁架...

佢話想買枝酒返去試下喎...

吓....哦....試囉...

尼枝係柚子酒...

本週特價... 會員價...89元

大少話下次試黑糖梅酒喎...

無言....

仲有買咗pack墨汁意粉醬...

唔知好唔好味呢？？

聽日試下先

我仲買咗蝦干...雪耳...同埋菊花...

埋單319元

原來買滿300元有戲票送呀...

哈哈...懵盛盛

真係好喇...有戲

 

 

試新嘢

今晚試新嘢...

上次胡李媽話大埔有間餐廳D嘢好得...

問我有冇試過...

吓...係邊呀？...未聽過嘅...

哈哈...原來新開嘅...唔怪得我唔知啦...

身為大埔友...緊係要試下啦!

今晚同咗大少去試

就係尼間...3R

D燈好暗...我睇唔到餐牌呀

哈哈...要大少講過我聽...

太暗啦...D相影得好差...

尼個唔知咩包呢...黑色嘅...

 番茄湯好好飲...不過上面D麵包粒腍晒

半價嘅鴨肝沙律...

大少至愛

我個磨菇肉米...賣相麻麻地...

隻菇菇咁細嘅

大少嘅黑豚豬扒...唔錯嘅

唔知係咪晚餐時間太多人...

以咁嘅價錢...

食物質素&服務都唔係好值喎

仲俾唔俾多次機會佢番身好呢？

 

哈哈...開心C我啦!

今日藍爸爸放假

佢話未去過二X惠...今日陪我去喎

哈哈...好呀...

俾埋錢呀...唔該~

都好耐末同藍爸爸撐過枱腳啦

今日食番個Tea...hea下先

仲要兩人一份...

哈哈...唔係我地慳...

係好飽呀!

係二X惠買齊料...

哈哈...今日整咗朱古力雪糕 & Pizza

朱古力雪糕...加咗霖酒

好好味呀!

哈哈...藍爸爸幫手整呀

第一次整Pizza...

學Terryma &雀后咁加咗五香肉丁...

佢地話好得呀...

唔使15分鐘...9吋厚Pizza...食晒啦

哈哈...開心C我啦...

默哀3分鐘

今朝8點趕及回家

為被「屠殺」嘅8位遇難者默哀3分鐘...

願你們安息吧!

仲係菲律賓留醫嘅梁頌學...

加油呀...唔好放棄呀...

了解我嘅人應該好清楚...

我係一個好感性嘅人

近日菲律賓事件...不用多說了...

目睹整個「屠殺」過程嘅我...

呢幾日...心傷透了...

眼淚...唉!

阿仔唔準我再睇啦

事件實在太多太多嘅疑問...

太多嘅為何...

太多嘅流血...

太多嘅不幸...

實在令人氣憤...

一個個幸福家庭...被破壞了...

菲律賓...

我絕對不會踏足這個鬼地方...

好 Yummy 呀~

噚晚整咗香芋雪糕

今日剛剛食完中午飯

大少好心急咁攞出黎要試味...

哈哈...估唔到你至係最為食...

嘩...係我鍾意嘅味道...

好香芋頭味呀!

淨食雪糕太單調啦...

我地仲加埋爆珠一切食

我就加咗士多啤梨&芒果爆珠

嘩...雪糕即刻〝升呢〞...

好 Yummy 呀!

新玩具~雪糕機

早幾日舒妹幫我買咗件新玩具...

係雪糕機黎架

真係麻煩晒啦...

見今晚得閒D

就攞部機出黎試下先...

咩雪糕好呢？

芒果..朱古力...士多啤梨...椰子...蜜瓜...

哈哈...最後整咗香芋雪糕

好似好怪...用芋頭...煮緊餸咁呀...

不過整好試過個味道...

係呀...係我鍾意嘅味道呀!

而家攞去雪硬D先...陣間有得食...

 

 

獨食~香草鹽焗燒雞(附食譜)

 獨食~香草鹽焗燒雞

今日個個都忙...

阿媽&奶奶都話唔做節...

阿仔3點就約咗同學去行街街啦...

話聽完演唱會先返喎

表小姐就同咗表哥去游水...

然後直落食埋晚飯...仲話聽朝先返

吓...今晚咪食自已...

尋日醃果隻香草雞...點算呢？

哈哈...唔好理啦

反正我未試過獨食燒雞

今晚就粗豪D...

成隻黎喇....哈哈哈...諗起都開心

 

香草鹽焗燒雞(食譜) 

材料：

雞1隻，蜜糖1/2湯匙加1湯匙凍滚水拌勻

調味：

鹽焗雞粉1包，什香草適量，鹽少許 , 油少許

製法：

雞洗淨，切去頭，抹乾水後加入鹽焗雞粉內外抹勻，跟住係雞面加上什香草&抹上油，放雪櫃醃半日以上

用焗爐嘅燒烤义，义住隻雞

焗爐用220度預熱15分鐘，

放雞入爐後，

用220度焗20分鐘

ok後

再用180度焗多20分鐘

時間約餘5分鍾左右

就搽上蜜糖

焗至夠時為止~

咁就完成啦！

鴛鴦腐皮卷(附食譜)

唔講大家唔知...

大埔墟街市除咗果間梁X記出晒名之外

其實D蝦膠...鮫魚膠 & 墨魚膠 都係一樣咁掂架

今日我就買咗蝦膠&墨魚膠整咗個鴛鴦腐皮卷

簡單得黎又好味!

 

鴛鴦腐皮卷

材料：

腐皮1張(剪去硬邊後,一分為四)

蝦膠...墨魚膠各買4両(15元4両)

腐皮用濕布抹乾淨後...放入1/4份餡料

然後包好...放在已掃油嘅碟內

水滾後蒸約8分鐘

蒸好後攤凍...放入雪櫃...

食前用油煎香就得喇!

哈哈...呢個腐皮卷係咪好簡單呢

得閒時包定...隨時有得食...係咪唔錯呢