早幾日同阿舒係九龍城見到有新鮮嘅洛神花賣
D花花...紫紅色...好靚架
檔主叫我地不如買枝佢地自家製嘅洛神花茶試試喎!
都好呀...未飲過...
唔好飲都係6蚊姐~
飲咗1啖...咦...味道好熟喎...
吓...係紫貝天癸嘅味道呀...
哈哈...味道唔錯唔錯~
不過點解咁奇嘅...哈哈...唔通紫色嘅嘢全部都一樣味...???
今日係大埔街市又遇到佢啦...
10元1磅
咁一於買番磅返黎煲先...
煲好喇...
酸酸甜甜嘅味道...
我鍾意呀!
*但係雪凍更加好飲呀~
洛神花功效:
含有豐富的花青素、黃酮素、多酚,可以養顏美容,有調整血脂,維護肝臟健康的作用。洛神花具有解熱、抗高血壓、治療肝病、平衡身體內的酸鹼值的效果
洛神花茶
材料:新鮮洛神花1磅 蜜棗4粒 水3公升 冰糖適量
製法:洛神花沖洗淨(吾可以浸水架)
凍水3公升加入蜜棗&洛神花
水滚後轉小火煲30分鐘
跟住加入冰糖
糖溶後...OK飲得!
*可熱飲或凍飲