早幾日同阿舒係九龍城見到有新鮮嘅洛神花賣
D花花...紫紅色...好靚架
檔主叫我地不如買枝佢地自家製嘅洛神花茶試試喎!
都好呀...未飲過...
唔好飲都係6蚊姐~
飲咗1啖...咦...味道好熟喎...
吓...係紫貝天癸嘅味道呀...
哈哈...味道唔錯唔錯~
不過點解咁奇嘅...哈哈...唔通紫色嘅嘢全部都一樣味...？？？
今日係大埔街市又遇到佢啦...
10元1磅
咁一於買番磅返黎煲先...
煲好喇...
酸酸甜甜嘅味道...
我鍾意呀!
＊但係雪凍更加好飲呀~
洛神花功效：
含有豐富的花青素、黃酮素、多酚，可以養顏美容，有調整血脂，維護肝臟健康的作用。洛神花具有解熱、抗高血壓、治療肝病、平衡身體內的酸鹼值的效果
洛神花茶
材料：新鮮洛神花1磅 蜜棗4粒 水3公升 冰糖適量
製法：洛神花沖洗淨(吾可以浸水架)
凍水3公升加入蜜棗&洛神花
水滚後轉小火煲30分鐘
跟住加入冰糖
糖溶後...OK飲得!
＊可熱飲或凍飲
依個可以煲定一煲係雪櫃 ~~ 最啱我依啲汽水當水飲既人喇
回覆刪除[版主回覆12/03/2010 07:03:00]係呀...好過飲汽水之類嘅嘢啦...健康又好飲呀!
依個可以煲定一煲係雪櫃 ~~ 最啱我依啲汽水當水飲既人喇
回覆刪除食完飯飲仲好，可以幫助消化，飲完好舒服!
回覆刪除[版主回覆12/03/2010 07:03:00]係呀...好過飲汽水之類嘅嘢啦...健康又好飲呀!
洛神花尼排喺街市好多時都見到,檔主話今年先有得賣,我怕唔好味,所以無幫襯,紫貝天葵我都未試過,唔知咩味?
回覆刪除[版主回覆12/03/2010 07:01:00]新鮮洛神花...我都係今年先見到呀!味道真係有D似利賓鈉...不過酸甜味重D啦...好好飲呀!
洛神花茶酸酸甜甜好好味架 ,我又要一大杯得唔得
回覆刪除[版主回覆12/03/2010 06:58:00]Terryma要飲...幾大杯都有
夏天時煲過, 雪凍飲好好味
回覆刪除[版主回覆12/03/2010 06:56:00]尼款飲品...酸酸甜甜...好飲又有益呀~
我都未試過, 下次見到都要買支試下先
回覆刪除[版主回覆12/03/2010 06:54:00]哈哈...如果再遇到...買過妳煲下
我上幾個星期都見到，驚唔識煲所以無買，咁我下次見到就可以買，唔該藍媽媽
回覆刪除[版主回覆12/03/2010 06:53:00]Darling...買黎煲下啦...尼款健康飲品...酸酸甜甜...好飲又有益呀~
我都見過，不過唔敢買呀！
回覆刪除咁多好處，等我又試吓保先！
[版主回覆12/03/2010 06:52:00]尼款健康飲品...酸酸甜甜...好飲又有益呀~
我淨係買過乾花嚟煲 , 未買過新鮮 因為遇唔倒 , 我都鐘意佢嘅味 覺得有啲似利賓鈉
回覆刪除[版主回覆12/03/2010 06:51:00]咁等我過幾日下仲有冇得買先...買過妳煲下
我都只係試過乾的，味道似"利賓納"咁，幾好味.....不過我未見過新鮮呢...
回覆刪除[版主回覆12/03/2010 06:50:00]咁等我過幾日下仲有冇得買先...買過妳煲下
洛神花做嘅涼果我就食過、酸酸甜甜好好味
回覆刪除[版主回覆12/03/2010 06:46:00]酸酸甜甜...真係好好飲呀
藍媽媽 聽落好易煲喎！就等我試下煲先至得，想煲俾細佬飲下呀！佢成日都唔夠瞓，對個肝好傷架！試下如果佢接受既話，我就煲夠一個星期既份量，等佢飲住對個肝都好 D 。 不過唔知道佢受唔受添
回覆刪除[版主回覆12/03/2010 06:43:00]尼款係健康飲品黎架...酸酸甜甜...好好飲架...當普通飲品飲應該冇問題
洛神花...台灣姐姐從台灣帶過一次比我，不過我都唔知係乜嚟㗎！
回覆刪除[版主回覆12/03/2010 06:40:00]我都係近年先認識佢咋
上水成日都有得賣,等我又試下先!
回覆刪除[版主回覆12/03/2010 06:37:00]娘娘...妳住上水架...我細個都住過呀
呢排我係街市成日都見到，不過唔識煲又唔知咩味，經你介紹我而家識啦
回覆刪除[版主回覆12/03/2010 06:36:00]味道酸酸甜甜咁...好好飲呀!
紫貝天葵都好好飲架~
回覆刪除[版主回覆12/03/2010 06:34:00]係呀...me too~
好似利賓納呀
回覆刪除[版主回覆12/03/2010 06:33:00]哈哈...顏色同味道都好似架
係今年先成日見街市有咋，有人教我要去核架，不過我都唔知邊啲係核，咁係咪真係要去架?
回覆刪除[版主回覆12/03/2010 06:32:00]咁檔主又冇叫我去核喎...佢話原粒洗淨就得...我信佢架咋