我的煮飯生涯(一)

                                       我的煮飯生涯(一)

        之前有提及過，我走咗去幫人買餸煮飯，最初做既時候真係有D壓力，因為唔知人地鍾意食嘜野餸，自已不斷諗會唔會太甜呢！會唔會太咸呢！會唔會太辣呢！會唔會份量太少呢！會唔會唔合口味呢！......腦海不斷重復以上問題。

         自問買餸煮飯對我來講唔係難事，可以話係我唯一既強項，我從來無擔心過煮出黎D餸無人食，居然而家會有呢D問題出現。不過問題始終要解決既，經過我反覆自問，又向陳太傾過後，問題好似解決咗，心情輕鬆晒，信心又返黎啦！

         多謝陳太對我既信任，我會整多D平靚正既餸比你地食嫁啦！

         由今日起我會記低每日既菜單，直至8月底為止。(工作期為三個月) 

今日晚餐：蒜蓉什丸炒莧菜  $12

                     魚膠蒸釀豆腐   $10       共$36

                     煎南乳雞亦  $14

星期六、日唔使返工，下星期一再繼續......