豉汁蒸大鱔
尼個係大少超鍾意食既餸，久唔久佢就係我耳邊聽到嫁啦！不過我無〝so〞佢，當佢唱歌(就黎激死佢)哈哈～
星期日老爺陪我去買餸，係街市見到有白鱔賣，老爺話不如今日買半條鱔食呀！我話：好！(心諗：你知個仔想食，想佢開心之麻)，一斤賣$48 買咗半條$45，嘩！差不多成斤重呀！大少你就發達啦！
開飯啦！大少見到碟鱔，真係雙眼都識笑，至於老爺唔使講啦！緊係笑到合唔埋嘴啦！
我問大少：點呀！好唔好食呀！
大少話：簡直係極品呀！
我話：緊係好食啦！咁貴
大少話：幾錢呀！下次我比
我話：講呀！次次都話比，你有十萬九千七呀！大隻講
材料：白鱔半條，蒜頭3粒(切蓉)，豆豉1湯匙，陳皮２角，葱1條(切粒)
製法：白鱔洗淨去潺切件(可叫檔主代勞)，
陳皮浸軟刮囊，切絲，
蒜蓉豆豉用油爆香備用，
白鱔加入陳皮絲、蒜蓉豆豉、蠔油、生抽、老抽(調色)、糖、鹽、生粉、油(少許)拌勻，再灑上葱粒，隔水大火蒸12－15分鐘，OK！食得
嘩！豉汁蒸白鱔我以前好鐘意食架 ，而家話唔好食無鱗ga魚，我先無食
回覆刪除[版主回覆06/14/2009 16:54:00]白鱔我都好鐘意食 唔好話妳，我都唔敢成日食，妳睇下出咗幾多油！
豉汁蒸白鱔是一道好出名菜,好好味,個d汁送飯一流....
回覆刪除[版主回覆06/14/2009 16:50:00]多謝到訪！係呀係呀！諗起都仲想食呀！
好犀利喎！又係一個食家同埋廚藝一流的偉大媽親。
回覆刪除[版主回覆06/14/2009 16:48:00]唔敢當！我只係最叻煮飯其他嘜都唔識
人生何處不相逢 相逢幸會笑談中
回覆刪除[版主回覆06/14/2009 16:46:00]多謝到訪！
香噴噴又肥美既豉汁蒸白鱔，好味到極 見到阿仔honey食咁得開心，貴d到抵返晒呀
回覆刪除[版主回覆06/14/2009 16:45:00]所以每個月都超支羅！無得打斧頭
超級肥美...
回覆刪除[版主回覆06/14/2009 16:43:00]係呀！鱔好肥美，汁好送飯，諗起都想食
好好味喎 不過我怕“漏”，所以不常食白鱔，黃鱔就唔同
回覆刪除[版主回覆06/14/2009 16:40:00]多謝到訪！ 白鱔我都好少買，間中食下又幾好味喎！妳見到咁大碟，我都係得兩三舊食咋，所以又唔覺〝漏〞