自從阿仔F.5之後...
我就同自已講
佢大個架喇...放手啦...佢自已識處理架喇...
果然...佢係做到架...仲有紋有路添
但係今年開學後都唔知自已攪邊科...
做咗理事長...
樣樣都要插口兼插手...
唉...點解會咁架
就好似報日文試咁...
我係咪緊張過頭尼？
我問阿仔做咩唔早D報呀...快D啦...費事唔記得呀
阿仔就話仲有大把時間...唔使咁急喎
就係咁...
你一言我一句...
最終佢當然順我意思啦...
係因為頂我唔順呀麻
不過佢問我尼排係咪心火盛
忟忟憎憎咁!
唉...黎真係要放鬆D
唔想行回頭路呀!
藍媽媽, 你教我 relax d, 不過我都明白有時真係做唔到呀 ...
回覆刪除[版主回覆09/16/2010 23:16:00]哈哈...有時都會病發下 ...可能太過得閒...咪做理事長囉
可能近日太忙喇....見到乜都唔順眼....心情會忟少少
回覆刪除不過大少都識体諒您喎！
[版主回覆09/16/2010 23:14:00]哈哈...我諗太過得閒就真... 阿仔不嬲ok架...幾鍚我
個仔巳經大個啦, 真係係時候放手啦, 而且佢地有自己想法, 比自己relax 下啦
回覆刪除[版主回覆09/16/2010 23:12:00]哈哈...可能太過得閒...咪做理事長囉
其實佢真係大個了...我地做亞媽真係要學懂放手...或者係做亞媽的都市病...樣樣都緊緊張張咁...
回覆刪除[版主回覆09/16/2010 23:11:00]哈哈...我諗都係媽媽的都市病...冇得救架啦
大哥哥叻仔嚟既，放手俾佢自己試吓，
回覆刪除有時小事撞吓板，大事會精明D架！
[版主回覆09/16/2010 23:08:00]我放手咗幾年架喇...今年唔知攪邊科呢
我諗其實大部份媽媽都係咁...做外人時識得好理性咁提點人地....到自己時又好似乜都吾記得哂...仲病發埋添....
回覆刪除哈哈~咁我地互相提點吓喇~
[版主回覆09/16/2010 23:06:00]我病情不嬲控制得好好...唔知點解今年會病發...黎今年會好反覆...可能我太上心喇...
要媽媽"放手"，真係談何容易？就係因為我地緊張佢地至唔會咁易放到手........慢慢嚟啦，一向以來妳都做得很好，妳一定得架
回覆刪除[版主回覆09/18/2010 22:13:00]哈哈...佢都20歲...我仲當佢係細路哥...