香茅豬頸肉

今朝帶咗Phoebe返學...

諗諗下真係好耐冇同朋友食早餐喇

唉...真係冇心肝...

食完早餐有人陪我買餸真係好喇!

不過我要趕返工

麻煩朋友幫我專程走去大埔墟買嘢

香茅青檸

唔係妳...我今晚就冇尼個餸食啦

真係唔該晒!

 

有時會諗...

點解每次煮嘢都係諗邊個邊個會鍾意食...

邊個邊個食到會開心...

好似冇為自已煮過嘢食喎...

究竟自已最鍾意食咩呢...

連自已都唔識答

哈哈...有病呀!

今日整咗香茅豬頸肉

大少&表小姐嘅至愛

醃料：魚露2湯匙  香茅1枝(切碎)  干葱頭1粒(切蓉)  糖半茶匙

生粉1茶匙

P.S.今次整咗3塊豬頸肉...醃料用了雙份

最好係豬頸肉面介幾刀...容易入味D

醃耐D...入味D...我醃咗半日...夠晒味

煎至兩面金黄色就食得

大少話配埋尼個汁...

一流喎!

我...好似食咗三舊咋

汁料：魚露2湯匙  青檸汁2湯匙  凍滾水6湯匙  糖1湯匙

紅椒碎2茶匙  蒜蓉1荼匙