唔容易

阿仔講咗好耐架喇

佢話張床唔舒服...頂住雙腳喎

諗諗下...張床都瞓咗十幾年啦

果時得幾歲人仔...

而家...哈哈...牛高馬大...

咁要換新床囉喎...

就緊係要掉咗張床先...

執下D嘢...清下垃圾啦

就係呢張床...其實仲好新淨

阿仔開始拆啦...

原來拆都唔容易...太多組件...藍爸爸&阿仔搬到手軟

好彩係管理處借到車仔咋

哈哈...唔好睇小張床...亦都唔好睇小阿仔...

大家睇下...佢居然收埋咁多玩具

呢D全部係阿仔嘅童年回憶...

佢當寶架...

而家都唔肯掉呀

滑板...機械人...車仔...停車場...嘜嘢都有

哈哈...有D似玩具店

哈哈...最估佢唔到嘅係...阿仔收埋好多毛公仔...

究竟你係男仔定女仔黎架...

我反而對呢D有興趣

阿仔以前嘅作品...

哈哈...真藏黎架...

尼張畫係03年6月7日...

7年喇...

時間過得真快...

呢張我好鐘意架...

睇番D舊嘢...

諗番起D美好回憶...

真係好開心

 

我見間房清空晒...

反正都做喇...

就點咗阿仔落樓買咗罐乳膠

順便油埋幅牆...

哈哈...阿仔話油完虛脫喇...

好彩有我幫手咋...唔係你仲C呀!

哈哈...間房即刻光猛晒...

不過...張新床末送黎...

阿仔就要瞓地先啦!

今日由11點執到6點幾...

而家開始手軟腳軟啦...

希望瞓醒會冇晒事啦!