我買咗D粟米刨過大家
不過冇教大家點用添
咁...點得架!
不負責任呀...
不過...
藍媽媽不嬲好細心架啦
哈哈...自誇
我走去揾專人做示範
呢個就係最正確方法
容易刨 & 唔會爛喎
佢話記住揾個砧板放係底...放粟米頂住...咁會就力D喎
好喇...任務完成
大家尼排食多D塞米喇!
我買咗D粟米刨過大家
不過冇教大家點用添
咁...點得架!
不負責任呀...
不過...
藍媽媽不嬲好細心架啦
哈哈...自誇
我走去揾專人做示範
呢個就係最正確方法
容易刨 & 唔會爛喎
佢話記住揾個砧板放係底...放粟米頂住...咁會就力D喎
好喇...任務完成
大家尼排食多D塞米喇!
尼兩日10點度就去瞓
冇用電腦啦...
唔知點解朝早起身仲係咁攰
攰歸攰
不過家頭細務就不能不做
口就話罷工...手好自然就去做
係咪犯賤呢...定係我有責任感呢...哈哈!
噚晚煲咗個例湯潤一潤
粟米紅蘿蔔栗子排骨湯
材料:粟米2枝(切好) 紅蘿蔔1條(切角) 栗子半磅(去衣)
南北杏2湯匙(洗淨) 無花果3粒(切開)排骨頭約12両
果皮1角(浸軟 刮囊)
製法:水適量放入果皮...然後煲滾,再加入其他材料,水再滚起後轉小火煲3小時,落鹽調味,飲得
除咗煲湯...仲整咗個荷葉蒸雞
果日見Annie用荷葉...
咁啱屋企又有...
哈哈...咁碟雞又可以升呢喇!
荷葉蒸雞
首先雞先斬件
配料
紅棗 杞子 冬菇絲
雞加入配料,再加葱段 薑絲 調味料(生抽 老抽 糖 鹽 油 生粉 紹酒 油 雞粉)拌勻
荷葉先洗淨.拖水後抹乾
放上雞件
包好後...大火蒸大約25一30分鐘
OK ! 有食得~
9月27日 星期一
歡迎歡迎 歡迎歡迎 (普通話)
為着要歡迎今晚嘅主角
T&P and 大老爺返咗香港
好sweet呀!
我地一班卜友可以借機聚埋一齊十十下喇!
下我地今次嘅陣容先啦
出席:主角~T&P and 大老爺
第一次見面嘅 Lonely&囡囡 (妳地好~
好高興認識妳地呀!)
Sandy&二少
硬琳&大冬瓜 盛師奶&囡囡 攪攪震&桐桐
Yummy Terryma mei JoeJoe
開心媽咪 菲仔 胡李媽 雀后
仲有我
123...黎張大合照先
十十會會場:不倒翁中日火鍋料理
嘩...張枱真係好大呀...
今次我地唔使分開啦...可以坐埋一齊
真係唔該晒妳呀!
齊人啦...伴手禮出場
哈哈...好強呀...到都開心呀!
見我地人強馬壯...就知我地幾咁有食力啦
哈哈...6個湯底...放滿一枱食物
同場加演真人show
係度要多謝各人嘅伴手禮
阿mei嘅梅糖,胡李媽嘅拉尺,
T&P嘅古古力,雀后嘅雜豆
Yummy嘅榴槤&鳳梨酥,攪攪震嘅杏仁豆腐花,
菲仔嘅柚子小蛋糕,盛師奶嘅椰汁糕
琳琳嘅花生酥,Lonely嘅黑芝麻粉&藍梅餅乾
Sandy嘅蜜棗,Terryma嘅龜龜包&糖衣杏仁
開心媽咪嘅椰絲花生糖&曲奇
仲有我同大家分享嘅刨粟米器...希望大家鍾意啦!
部份相片來源:雀后,JoeJoe
(唔該晒妳地)
今晚唔知幾點先返到屋企...
而家有D時間...
嗱嗱聲出咗尼篇先
尼個湯早兩日煲架喇
蓮藕烏豆排骨湯
講下有咩功效先
健脾開胃 補血養顏 強壯身體 補而不燥
如感到倦怠乏力 食慾不振 ...
可飲尼個湯作食療
果日加重料煲咗大大煲湯
今次真係大大煲喇!
飲咗兩日先飲晒
材料:蓮藕1斤(洗淨去皮切件) 黑豆2両 (放入鑊中 白鑊炒至豆衣裂開)紅棗6粒 (去核)陳皮1角 (浸軟刮囊)排骨30元(出水)
製法:水適量加入果皮,水煲滾後加入全部材料,水再滾起用小火煲3小時,落鹽調味,飲得
我好少瞓到10點幾先起身
今朝一起床就知唔多妥
天旋地轉...好在晏少少冇乜事咋!
今日藍爸爸放假
佢話不如爭先去試下尼間争鮮啦
新開張...試食價...碟碟4元
好就好...不過咁抵...實要排隊啦
我好攰喎...
唔該晒藍爸爸&大少輪流排隊
2點半...終於有得食啦
4元咁抵...藍爸爸食咗好多好多三文魚呀...
勁呀!
而家俾少少大家睇下...
..
埋單計數...
嘩...36碟...係咪好勁尼...哈哈
不過真係好平...
加一後...160元有找