瓊華中心Neway~柴嘩嘩齊齊做口金

             瓊華中心Neway~柴嘩嘩齊齊做口金

                          4月7日   星期三

今日blog聚好熱鬧呀！

大小朋友一共有廿幾人

小朋友就唱不停口，而大朋友就做不停手~

小朋友不停係度唱K

但係點解唱來唱去都係宮心計嘅~

哈哈！唔怪得收視咁高啦！

大朋友唔理咁多~

個個坐定定齊齊做口金

今次真係要多謝胡李媽媽，Terryma & 盛師奶

多謝妳地為我地準備材料

多謝妳地悉心嘅教導

多謝妳地嘅今次嘅安排...

我嘅第一口金終於面世啦！

哈哈！雖然肉酸D，都叫做成功呀！

應該話係我&表小姐嘅心血結晶至真！

 

每個小朋友都收到好多拌手禮，好開心呀~

尼張沙畫係攪攪震送嘅~

太陽媽媽送嘅貼紙~

新潮師奶仔送嘅大口仔糖糖~

尼件係Terryma送嘅~

仲有Terryma送嘅福袋~

尼份係JoeJoe特別送俾表小姐嘅禮物，佢好鍾意呀！

哈哈！係尼度仲要多謝攪攪震親手整嘅桂花藍莓醬

唔捨得食添~

我就帶咗D零食&豬肉乾黎同大家分享

希望妳地鍾意啦！