實習工作～努力中

             實習工作～努力中

     最初諗住唔寫blog住，等表少姐考完試先再繼續，但係有D嘢遲咗就唔多再寫嫁啦！所以襯住而家有D時間就寫低佢。

       端午節過咗去黃小姐屋企教佢包粽，佢算幾聰明呀，學咗一陣就曉啦！包咗11隻，原本係想包12隻嫁，但係佢越包越大隻，所以唔夠米囉，最後個隻就勁啦！包咗兩個蛋黄同兩件豬肉呀！(食咗就嘜都超啦！哈哈)黄太同埋黃小姐實在太客氣啦！過去一陣又買早餐我食，仲話買飯比我添，最唔好意思仲係計足時間(食嘢包粽時間都計)出糧比我，自問個日自己都無嘜做嘢，攪到我有D過意唔去，多謝妳地呀！

        另一件事，我有份實習工作正努力中......係有人請我幫忙煮飯(中午)和接小朋友放學，有時間就幫佢抹下D地方，我見佢仔仔同表少姐係同校又同級既同學，而且佢屋企個姐姐咁急要入院我就一口答應，唔知係咪自己以前做過義工，而加見到人地有難就好積極想去幫(緊係要自己得閒至得啦！)，好多謝陳太咁信任我，比個機會我幫妳手，不過唔知我整D餸合唔合妳地既心意呢？煮比人地食真係有少少壓力嫁！

         至於幫表少姐温習，我地已經備戰中......希望快D過去啦！