紅炆冰豆腐

            紅炆冰豆腐

冰豆腐～聽個名都知，即係將舊豆腐雪到變冰，大約雪佢兩日就OK！

早排見何師奶和cake妹，都用冰豆腐黎整餸，我緊係要跟啦！

 材料：冰豆腐1磚，排骨適量，冬菇6隻，薑1片，乾葱頭1粒(切片)，南乳１湯匙(加少少水拌勻)

製法：豆腐(雪2日)取出解涼，切件揸乾水

             冬菇浸軟揸乾水，落少少糖，油，醃住

            排骨加入生抽，糖，盬，油，生粉，水，拌勻

            熱鑊落油，先爆薑片和葱頭，再放埋排骨，冬菇，，南乳汁爆透，跟住贊酒，落少少冰糖，雞粉，水，蠔油，老抽(調色)，加蓋用小火炆約20分鐘，將豆腐加入排骨中，繼續炆多15分鐘，試味，再用生粉水埋獻，食得！