專業資格之陪月

             專業資格之陪月

        好開心呀！職工盟打比我，話我知張陪月證書有得囉啦！叫我隨時去擺番。呢張係我第二張證書，第一張係讀家務助理時擺既，當時比現在更開心呀！(因為太耐無讀書考試啦！)

       讀家務助理時，認識咗好多同學，因為課程係全日制既關係，同學們好快就熟識晒，午飯時間例必相約幾個投緣既同學一起有說有笑，吃喝玩樂，不知幾開心，這種感覺就好似返回中學時期一樣，總之就好舒服，好開心啦。但唯一不同既係自已做事比以前積極，認真，更多咗一些勇氣(可能想做個榜樣比亞仔睇掛)，希望佢領悟到啦！

     陪月課程係我最鍾意既課程，唔知點解我由細到大都好鍾意小朋友，同D小朋友好有緣，我仲係細路女既時侯，鄰家的小朋友全都會來我家玩，叫我X姐X姐，現在想起都覺得奇怪，自己竟然有這種魔力。

      下個目標係想讀長者護理課程，希望可以實現啦！