聚餐券

                                   聚餐券

  

      恭喜路德會富善綜合服務中心廿周年生日快樂！

       路德會對我黎講都幾有歸屬感嫁，由大少幾歲就開始係度參加活動，之後又做埋青年義工，負責攪活動同帶領，而我緊係帶埋表少姐去做家長義工啦！煮下嘢食，帶下活動，仲識咗好多同聲同氣既好朋友添！其中一個緊係Honey B 啦！

        中心早前攪咗次廿周年抽獎，凡於暑期報活動6個或以上就有得抽獎，表少姐係中心既支持者，緊係有佢份啦！表少姐報ga 活動包括有〝夏日大激鬥〞，〝識飲識食〞玩4日，〝Happy Saturday〞玩4日，〝謝謝你的愛〞玩3日其中1日去愛護動物協會，〝玩具DIY〞，〝開心快活人〞玩3日其中1日去Pizza Hut整餅，大家唔好以為6個活動加埋好貴啦！其實只要係150元就玩咗成個暑假，真係超值！更超值 ga係表小姐抽中咗1張價值100元既聚餐券，地點係小白鷺餐廳

        尋晚表少姐食完番黎仲話好肚餓，大家想知點解就入去Honey B個blog度睇下就明嫁啦！仲有仲有想睇表少姐ga真面目，就一定要入去睇下啦！機不可失呀！