有辣有唔辣

                                   有辣有唔辣

             豉汁魚肉釀尖椒

          尖椒我從來都末整過黎食，有次睇見cake妹整咗， 就問佢辣唔辣架，佢話睇下彩數啦！咁就死得啦！我驚好彩會中獎呀！不過人一世物一世，點都要試下架！  唔係點知好唔好食呀！

        食第一隻，覺得唔辣，好香椒味， 幾好食喎！     食第二隻，嘩！辣到噴火呀！  即刻走去雪櫃攞支鮮奶出黎解辣先得呀！哈哈～攞黎衰呀！雖然係幾辣，但係又幾好食，等D辣氣過咗後，又有衝動想再食，你地話我係咪有被虐狂呀！                  

           

材料：鯪魚膠4両，青尖椒 8隻，蒜頭2粒切蓉，豆豉1茶匙

調味：生抽1/2湯匙，糖1茶匙，水1/2杯

製法：尖椒去蒂，一切為二，去籽，洗淨抹乾，係尖椒內抹上少少生粉，釀入魚膠

           

            尖椒放入熱油中煎至魚膠呈金黄色，然後〝畢〞起

            熱鑊落油爆香蒜蓉豆豉，放入尖椒和調味煮至汁濃，ok！食得