九層塔香茅炒蜆

                                     九層塔香茅炒蜆

        蜆就食得多啦！但多數係用蒜頭豆豉辣椒黎炒，早排係圖書館借咗本食譜既書，裏面有教人用九層塔香茅黎煮餸，我就唔執輸，先試整咗個炒蜆，大少話新口味，好正喎，哈哈～唔知係咪自己上咗年紀呢，我覺得傳統口味正常D呀！

             

材料：蜆1斤，九層塔4棵，香茅2條(切片)，紅辣椒1隻(切絲)，蒜頭6粒(拍扁)，紹酒1湯匙

調味：生抽1/2湯匙，糖1/2茶匙，少少水

製法：蜆洗淨後放入滾水中焯至開口，畢起

               

          熱鑊落油，先爆香茅，蒜頭，辣椒，然後加入蜆兜勻，贊酒，加入調味煮至入味，落埋九層塔煮一陣，有需要就加些生粉水，OK熄火，上碟食得！