人算不如天算
廣東馬爾代夫1天團$119(已包小費$50)
星期六跟大航假期去廣東馬爾代夫玩咗1日，感覺令人失望，諗起都有D被人揾老襯既感覺。
講番D開心嘢先啦
星期六朝出咗門口食緊早餐就已經知道唔記得帶相機，都心知不妙嫁啦，今日唔方順利啦！無辦法啦！唯有用電話影番兩張，好過無羅！
講下個行程先，星期六7:45am係羅湖集合，我地去到見到超過30團既旗仔係到等人，最誇張係全部係美食之旅同埋大航假朝，佢地就肥仔啦！我地個團full晒呀！有49個團友，成架旅遊車一個吉位都無，真係勁呀！8：30am準時開車，個朝既行程係例牌菜，同HoneyB個次一齊去既一模一樣，都係去下D購物點~(綠色世界~~鹿兒莊~~茶藝館)，跟住就去午餐(乳鴿風味宴)，普通料無嘜特別，為獨一窩叫番薯粥既末食過
乳鴿風味宴菜單
冬瓜薏米湯，紅燒乳鴿，紅燒豆腐，客家鹹菜燜豬肉，鹹魚茄子煲，梅菜蒸鯇魚，
肉碎蒸水蛋，青瓜炒腩片，蒜茸白菜仔，番薯粥(任食)，白飯(任裝)，西瓜
食飽飽又起程啦！點知仲末可以去目的地呀！仲有個購物點叫水雲軒，有D團友北上好多次，知道尼間嘢係香港人既太子女開，知道太子女黎sale有著數，咪叫D服務員請佢黎介紹羅，講咗好耐呀！但仲話比個入貨價我地，100蚊你地就攞隻紅寶/藍寶介子走，仲話有晒証書，返香港去二叔公處押都值千幾蚊喎，真係咁荀？唔知呀！可能啦！我無買
下午3點15分先至出發去目的地，原來廣東馬爾代夫係惠東平海，由深圳灣出發要2個幾小時車程，係路上仲塞下車，落過幾陣大雨，最開心比我見到孖彩虹，同埋3彩虹呀！不過只係影到孖彩虹咋
6點15分終於到啦！點知個領隊同我地講，係3點幾改掛3號風球，D魚船返晒黎避風，行程話乘漁船出海,體驗古式捕魚（包船票），親身體驗
漁民的真實生活，享受生活的樂趣，通常漁網下去，魚兒就無法逃脫你布下的天羅 地網，多得數不勝數！捕獲的魚歸客人所(晚餐加餸)，即係行程既主要部份無晒啦，咁就有團友問，點解妳當時唔同我地講，妳都一早知道，既係當我地係水魚啦，車我地咁遠黎到，淨係食餐飯，我使嘜咁遠黎尼處食呀！香港西貢大把啦！妳快D同公司反映，我地不滿。好！團友妳講得好！
初時個領隊仲駁嘴，最後仲問我地想點，我地話最低限度妳都要比番D出海錢我地，最後係每枱加咗1個餸，算啦！費事影響心情，不過攪完一大輪，食完餐飯，天都黑啦！都無認真睇下個海，不過D沙又真係好幼好滑呀！入夜都仲有好多人遊水，環境都唔錯嫁。
好彩晚餐(惠東海鮮宴)食既海鮮好新鮮同埋惹味，唔係我第一個去拆佢個招牌
惠東海鮮宴
冬瓜海鮮湯，白切走地雞1隻，清蒸黃倉1 條，蒜茸尖椒炒蜆，薑蔥炒花蟹，
蒜茸粉絲蒸青口，椒監賴尿蝦，蠔仔煎蛋，特色茄子煲，田園時蔬(通菜)，
青瓜炒肉片，絲苗白飯
食完飯係門口影
隔離有間叫鴻星海鮮酒家，連招牌設計都一樣，唔知真定假
對面食肆，仲有見到D團友上車
個晚返到屋企11點15分，好眼瞓呀！
其實$119包車，包小費，仲要包兩餐，係好超值，自己搭車車費都唔止啦！如果佢安排好D，咪雙嬴囉！
今次無影到相，真係唔好意思啦！下次去玩影多D補數，請大家見諒！
沒有留言:
張貼留言