日式咖喱牛肋條

                      日式咖喱牛肋條

 

       今日比較忙，上午去幫陳太買餸煮飯，中午12點左右走得，返屋企順路就走去仙跡岩買咗杯重量級珍珠奶茶(我同大少分黎飲)，一杯芒果綠茶(比表小姐)and兩塊大大雞扒，不過D雞扒一D都唔好食，我舊年係台灣食既大大雞扒不知好味幾多呀，好想再去呀！最衰今年無時間啦！

       下午3點左右又要帶表小姐去荃灣音樂中心學柳琴，到6點先可以搭車返屋企，今日隻腳真係行到軟哂，超晒支啦！

        中午有少少時間，就整定尼個餸，等今晚學完琴返黎就有得食

材料：急凍牛肋條約1磅，甘筍1條(切件)，薯仔2個(切件)，青瓜半條(切粒)，薑數片，日式咖喱磚3粒

製法：牛肋條加薑片出水後繼續煲至略淋，兜起瀝乾

             熱鑊落油，用薑起鑊，再放入牛肋條(切件)，甘笱，薯仔，水，煮至材料淋身，再放入咖喱磚煮到稠身，熄火上碟，再放上青瓜粒，完成！