大豐收

                        大豐收

 

        今日收到藍姨媽係瑞典寄黎既掛號信，裏面夾住3張100蚊既美金，不過唔係比我嫁，全部都係比大少同埋表少姐既暑假玩樂費，佢地就肥仔啦！成日都有收獲，希望佢地識做啦！

       藍姨媽大過我10幾歲嫁，我BB時都係多得佢湊我咋，佢係我7歲時就結咗婚，再過咗幾年佢就去咗瑞典定居啦！久唔久就番下黎，每隔10日8日就通1次電話，每次一講就一兩個鐘閒閒地，你地話係咪好勁呢佢話我細個時係佢凑大，所以對我最有感情，成日都諗起我細個D嘢喎，相反我就無心肝啦！

      真係好想過去玩呀！我細佬就係挪威自己揸車過咗去玩兼買野，唔得，我明年都要去！