物非所值

                     物非所值

       今晚無煮飯，可能平日煮到無停手，放假就想停產比自己休息下，其實唔使解釋，即係懶囉

       一家三口行來行去都唔知食嘜好，最後走咗入去太興，每人揀咗一款套餐，大家一齊食，老爺叫咗咕嚕肉配白飯，飲熱奶茶，我就叫泰式海鮮三寶配白飯，飲冰鎮奶茶，大少就叫咗八寶飯配油菜，飲湯，合共174元。

      比大家睇下D相先

                                              咕嚕肉

  

                                    泰式海鮮三寶(睇落就掂)

   

                                       八寶飯

  

                冰鎮奶茶

  

      平日係太興食D餸都OK嫁，不過今日我叫個泰式海鮮三寶就好唔掂，裏面有兩隻蝦，有D魷魚(又少又硬，根本就咬唔到)仲有魚柳(面頭D粉好似糊仔)，仲有少到不可再少既蟹柳，得半條咋，不過有多到不可再多既配料，個厨煮得仲差過我，點賣60元呀，真係物非所值。

 

      以我既性格，我緊係有 同佢地反映啦，不過佢地聽完就算，無人回覆我姐，真係 too bad