逍遙遊香港篇之濕地公園(二)

             逍遙遊‧香港篇之濕地公園(二)

第(一)篇講到係濕地公園要睇雀烏

其實我都好想睇到政府宣傳片中所提及的彈塗魚，同埋招潮蟹

最初水太漲，嘜都見唔到，好彩觀鳥返轉頭水開始退，小動物出動啦！

 

招潮蟹最大特點---有一種巨鉗，好得意㗎！

 

  

 

彈塗魚同泥的顏色一樣，唔知睇唔睇到(在圖的左中位置)

 

紅樹林浮橋(會隨着潮水漲退而升高和下降)，看似普通好似好穩陣，但當你行到後段位置，記住要靠右行，

條橋會側向左面，亞仔仲玩我，佢專行左面，嚇死我啦！

 

紅樹林浮橋兩旁種滿好多種紅樹生長，其中有一種好特別，生長出一絛絛似辣椒的植物

 

沿途見到有好多標示，旁邊有個似是望遠鏡既嘢，話有生物踨跡，我地就好奇

去望下，(唔係吓，咁都得)笑死我啦！

 

你地自已睇下

(全部都係人加工而成，即係假嘢)

下圖係蛇脫的皮

 

下圖係米田共

去蝴蝶園要經過一條木造的漫步徑，沒扶身之餘又有對頭人，我好驚跌落水呀！

 

我最初以為蝴蝶園是一個室內的地方，原來只是在這個位置種滿各樣蝴蝶喜歡的植物，吸引蝴蝶前來覓食

我覺得好成功，一D都無破壞大自然環境

 

 

 

 

除了蝴蝶園之外，在路旁種的植物都好覩

 

 

 

因為我地仲要出番元朗食下午茶(大榮華，Ｂ仔涼粉)，1點30分左右我地就同濕地公園講拜拜，向下一個目的地進發

﹡各位第日去濕地公園記得帶望遠鏡呀！

待續......