惹味三文魚頭年糕煲

              惹味三文魚頭年糕煲

       早幾日老佛爺比咗一包年糕我，話係伯婆奶奶比佢，仲同佢講D年糕要點整，同埋點好食，不過老佛爺唔理三七二十一比咗我，叫我整黎食，佢費事繁喎！

       我見今日整三文魚頭咪放D落去囉！點知亞仔話年糕同冬菇先係主角，三文魚頭變咗做配角啦！真係可憐！

 

材料：三文魚頭1個，冬菇8隻，年糕約有二十片，乾葱頭2粒(拍扁)，薑1片，葱1條(切段)，豆瓣醬，

製法：冬菇浸軟去蒂揸乾水，用糖和麻油醃住

           三文魚頭洗淨抹乾切件加入生抽，糖，胡椒粉，麻油，生粉，水，醃15分鐘以上

           年糕用水煮至軟身，備用

           熱鑊落油，先爆香薑片，然後把魚頭撲上生粉，放入鑊煎至兩面金黄色，剷起

           熱鑊落油，爆香 乾葱頭，放入冬菇爆透，落豆瓣醬爆一爆，放埋魚頭，年糕，糖，鹽，雞粉，蠔油，老抽，水，炆至入味，落埋葱段兜勻，熄火食得！