煙肉生蠔燴茄子
材料:茄子2條，煙肉4片，日本急凍生蠔12隻，葱ｌ絛(切段)，蒜頭2粒(切蓉)，薑1片，豆瓣醬1茶匙
調味料:蠔油1湯匙，，生抽1荼匙，老抽少少(調色)，雞粉1/2茶匙，糖3/4茶匙，水1/2杯，(以上調味料拌勺)，生粉水適量(後下)
製法:1.蠔解凍後洗淨抹乾,
2.茄子洗淨切粗絛
3.煙肉切粗粒
4. 茄子可用泡油或用水焯的方法處理,(泡油法---把茄子放入滚油泡一泡兜起,隔去油分；水焯法---把茄子放入滾水中焯一焯兜起,隔去水分)
5.生蠔放入已加薑葱的滚水中焯一焯(少於1分鐘)兜起隔去水分
6.熱鑊落油先爆蒜蓉、薑片和豆瓣醬，加入煙肉炒香,再把茄子和調味加入鏃中拌勻,煮滾後加埋生蠔兜勻,落少少鹽調味和加入生粉水埋獻,完成食得!
咁做法，好大膽好創新，但會唔會有腥味 d蠔好大隻
回覆刪除[版主回覆04/07/2009 08:00:00]唔係我創新，曾經有人試過差不多煮法,其實唔用茄子用露筍亦得,好好食添!
日本蠔蠔味比較重，但係唔會好腥，解凍後都很新鮮而且很肥美，拖水後唔會縮得很少
年青人當然喜歡香口D,如：炸生蠔或香煎生蠔,(非常好食,但太油和熱氣啦！所以今次我無選擇，如果你想點整,話我知，我教)你
我個人好保守嘅！食野會比全統一d 如果，薑蔥蠔點整呢，麻煩妳
回覆刪除[版主回覆04/08/2009 21:46:00]做人要多嘗試先有好嘢出品，唔好咁保守呀！
薑葱蠔 我都好鍾意食嫁！ 而且是最簡單的煮法，但煮出來的蠔最好食、最有鮮味
材料:蠔10多隻，薑最少5片，葱頭1粒(拍扁)，葱1條(切段)，紹酒1湯匙
調味料:蠔油1湯匙，糖3/4茶匙，清水少少(少於半杯)
製法:1.煮滚少少水，加入薑2片，紹酒１湯匙，然後放入蠔拖一拖水(少於１分鐘)兜起瀝乾水
2.熱鑊落油，先爆薑片、乾葱頭和葱段，跟住放入蠔兜勻(記住用大火，唔係會出水)，贊酒，再落調味料炒勻，蓋回鑊蓋焗1分鐘，試味(如果淡就落少少盬)完成食得!
希望幫到你
整咗喇！唉！無人食無人食，我食咗好多就尼中鉛毒而死 唔知會唔會個人重d呢？
回覆刪除[版主回覆04/11/2009 23:05:00]做嘜無人食呀？想死？無咁易 你咁獨食點會肥呀！
D 蠔可以涷水落,至水滾後兜起,會冇禁縮.重滑的
回覆刪除[版主回覆05/08/2009 09:52:00]D蠔我想拖拖水就兜起，凍水落會唔會熟晒呀！