蝦仁雲耳煮勝瓜

             蝦仁雲耳煮勝瓜

    《四位享用》

做蝦仁既餸其實好麻煩----又要去蝦殼又要挑蝦腸，不過算啦！

鬼叫自已鍾意食呀!煩就煩啦！

 

材料:勝瓜(絲瓜)2條，蝦半斤，雲耳隨意，蒜頭2粒(切蓉)，薑1片

製法:1.蝦去殼挑腸用盬揸一揸D蝦,然後用水沖乾淨，抹乾後加少少胡椒粉和麻油撈一撈，跟住放入雪櫃雪一陣(會爽D)

         2.雲耳用水浸軟去頭，然後放入滾水中焯一焯，取出隔乾水

          3.勝瓜〝批〞去硬邊 ，洗淨後切粗條或角狀

          4.熱鑊落油用大火爆蝦仁，轉色就兜起(唔使熟)

          5.再起鑊落油先爆香蒜蓉、薑片，再放入勝瓜和雲耳爆透後加D水約3/4杯(多少隨意)，等水煮滚後加入蝦仁和盬，兜勻後熄火，上碟食得!

p.s.呢碟餸只係加盬做調味，我覺得幾OK!可能自已鍾意食掛！

      如果你地覺得淡，可以加少少雞粉