梅菜炆豬肉(第二回)
《足四位享用》
今次既整法與上次的有D唔同
方法比較容易和直接，時問和功夫可以減少D，但係味道一D都無遜色，不訪試試!
材料：甜梅菜1/2斤，豬腩肉1條，葱頭2粒(拍扁)，薑1舊(拍扁)，冰糖約1又1/2湯匙(視乎梅菜的甜度)，紹酒1湯匙
另外準備(１片薑和１條葱)用作豬腩肉出水
調味料:生抽、老抽少少(調色)、清水約4-５杯、雞粉
製法:1.梅菜洗淨擠乾水，然後切粒
2..豬腩肉原條放入滚水中,同時加入出水料煮10分鐘，取出沖一沖水抹乾切成件
3.熱鑊落油先爆香葱頭、薑片，跟住落梅菜爆香，再落豬腩肉兜勺，贊酒,落冰糖和調味料，當調味料滾起後蓋住鑊蓋，轉小火炆約45分鐘,(如水分不夠可隨時加入適量滚水)熄火焗約15分鐘，再開火炆約20分鐘應該就夠〝林〞，試味落鹽，熄火上碟，食得!
p.s. 隔日吃更入味
第一回名稱:梅菜扣肉
好好送飯架！又引死人
回覆刪除[版主回覆04/07/2009 20:36:00]mandy妹,妳想食咪整囉,不過唔好炆豬腩肉轉為瘦D既排骨咪無間題囉!笑番啦!
又係瘦排骨 想食豬腩肉
回覆刪除[版主回覆04/08/2009 21:09:00]我都唔敢食咁多，而且我鍾意食梅菜多D
其實高脂肪，高膽固醇都係好好味嘅東西！ 我都好想食豬腩肉，不過年紀大機器壞，都係望梅止渴
回覆刪除[版主回覆04/08/2009 21:06:00]我都好少整!亞仔高脂肪既食物唔多食，我就只係鍾意食梅菜，好好味呀！
其實我係咪唔好食咁多梅菜、炸菜呢D野
回覆刪除[版主回覆04/13/2009 19:18:00]係架！不過妳用來吊味，同埋食既量唔多就無間題啦！
我已前好鐘意食梅菜蒸肉餅，而家唔係好敢食
回覆刪除[版主回覆04/14/2009 21:58:00]無辦法啦!而家最緊要係身體健康,每樣食物食得太多都係唔好,食少量就無問題啦!
好！一於聽你講，唔好樣樣都話唔食得，唔係咁食得ga小小（當然太過高膽固醇、太唔健康就唔好食），食得ga就食多D，咁個人都會開心D
回覆刪除[版主回覆04/16/2009 15:14:00]我奶奶有心臟病，佢最初好似妳咁，嘜嘢都唔食，整到自已瘦咗好多，到佢開始想食，又話受唔到，食豆腐又話頭暈，醋又話對D骨唔好，總之就問題多多，我每次去佢屋企見佢都係食差唔多既嘢，(食菜都係食菜芯，節瓜，話正氣)見到 都悶，咪攪到血壓低囉！
反而我亞婆，嘜嘢都食(份量少少)她活到102歲(前年唔係到)，但係佢未走前行得走得，無病無痛，日日落去老人中心坐，真係佩服！
所以我贊成妳嘜都食(除了高脂，大咸，太甜的食物)
唔怪得我都血壓低啦，真係唔好驚咁多，我上網睇過食野吸收膽固醇佔30%之麻，其實係身體其他地方唔好，攪到膽固醇高，又有藥食緊，真係唔好咁驚，一陣攪到有厭食症仲衰，早排我都覺得自己心理病，一D肉都唔敢食，就算瘦肉有D肥都用把刀係咁切番DD肥出黎
回覆刪除[版主回覆04/17/2009 10:48:00]其實唔可以一D肥都唔食,身體要用脂肪來運作,只要識得選咪得囉!希望妳可以快D好返!
多謝你呀藍媽媽，我好有信心會好快好番ga
回覆刪除[版主回覆04/18/2009 14:31:00]做人最緊要係有信心，嘜嘢都唔使騖，多D同朋支傾〝計〞，心情會開朗D！病都好快D！mandy妹我支持妳！加油！
多謝藍媽媽你撐我呀！真係人間有情，呢道都好多人關心我，令我好感動
回覆刪除[版主回覆04/22/2009 11:22:00]咁妳就整多D好餸報答我啦！
好難煮呀！而家又要食得健康D，逢健康D都唔方好食，諗到頭都爆
回覆刪除[版主回覆04/23/2009 13:23:00]唔係架！妳去圖書館逛逛找找新靈感啦！而家有好多教人煮健康食品既書，妳試下有冇適合妳啦！
都好喎，自從出院後都無去圖書館，要去睇睇先得
回覆刪除[版主回覆04/24/2009 09:18:00]我逢星期四帶咗表小姐去學柳琴，就順道去圖書館