香口藕餅

                   香口藕餅

        今日亞仔食埋中午飯先至出門口，我就整咗尼個藕餅比佢試，佢話幾好食喎！裏面一絲絲係嘜嘢黎嫁？我冇話佢知呀(因為佢由細到大都唔食蓮藕，費事佢唔食)，哈哈！好嘢！佢食咗9件呀！超開心。

        食晒後我話佢知係藕餅，佢話有D似芋頭味喎！同埋話味道和口感都唔錯。我以後都要想下辦法，用佢平日討厭既食物整到合佢口味的菜式先得。

       ＊今次整到細細件， 一口一吃，外面脆脆的，裏面軟軟的，間中又會食到咸蛋黄的甘香，好好味呀！

        

 

 

今次既份量可以整到約25件藕餅

材料：蓮藕2截，免治豬肉10元，咸蛋黄1隻(切碎)，臘腸1絛或煙肉2片(切細粒)，芫茜1棵(切碎)

調味料：盬，糖，胡椒粉，生粉2湯匙

製法：蓮藕刨絲後，揸乾水分，加入所有材料調味料拌勻

＊拌勻藕餅的質感，有D似芋蓉

 

  用湯匙來整成1個個小圓球，大小隨意，煎之前撲上生粉

 

，

   熱鑊落油，用慢火煎至兩面金黄色(要熟)，熄火上碟，食得！